Në një postim të shpërndarë në rrjetin social facebook, Sekretari për Sigurinë Kombëtare dhe Koordinimin Euro-Atlantik në Partinë Demokratike, Xhemal Gjunkshi, shprehet se hapja e bazës ajrore të NATO-s në Kuçovë, është një ngjarje historike, jo vetëm për sistemin mbrojtës dhe sigurinë e Shqipërisë, por dhe stabilitetit të Rajonit dhe me gjerë.
“Të njëjtën konsideratë për rëndësinë tejet të veçantë që do të ketë kjo bazë ushtarake, ndamë me miqtë amerikanë dhe europianë të cilët e konsiderojnë Shqipërinë një vend mik dhe me pozitë të merituar në mbrojtjen e stabilitetit gjeopolitik të rajonit.” – shkruan ish-drejtuesi i lartë i Forcave të Armatosura.
Më poshtë postimi i plotë:
Me personalitete të Nato-s dhe SHBA në përurimin e bazës ushtarake të Kuçovës. Ngjarje historike, jo vetëm për sistemin e mbrojtjes dhe të sigurisë së Shqipërisë por dhe stabilitetit të rajonit e më gjerë. Për mua si drejtues i hierarkisë më të lartë të Forcave të Armatosura dhe si Sekretar për Sigurinë Kombëtare dhe Koordinimin Euro-Atlantik në Partinë Demokratike të Shqipërisë, merr një domenthënie të vecantë kjo ditë që na jep edhe më shumë dinjitet dhe autoritet gjeopolitik si anëtar i Aleancës më të madhe ushtarake në botë NATO
Të njëjtën konsideratë për rëndësinë tejet të veçantë që do të ketë kjo bazë ushtarake, ndamë me miqtë amerikanë dhe europianë të cilët e konsiderojnë Shqipërinë një vend mik dhe me pozitë të merituar në mbrojtjen e stabilitetit gjeopolitik të rajonit.
