Mjeku i njohur Petrit Vargu i është drejtuar me një apel të fortë Kryeministrit Edi Rama, i cili mëngjesin e sotëm zhvilloi mbledhjen e rradhës së qeverisë, lidhur me situatën pas tërmetit dhe masat që duhen marrë për përballimin e situatës.
Rama ripërsëriti apelin drejtuar opozitës dhe kreut të saj, Lulzim Basha, për t’u ulur në një tryezë dhe për dhënë propozimet e tyre lidhur me masat.
Por mjeku Petrit Vargu i kujton Ramës se si tallej me opozitën para tërmetit dhe për lokomotivën që ecte përpara, ndërsa ata e shikonin me qesëndi.
Gjithashtu, vargu i kujton Ramës faktin se për PPP-të që shkatërruan ekonominë, ai nuk i pyeti asnjëherë, ndërsa sot si makiavelist i thërret për mendim.
“Inxhinierët dhe mjekët mos i thërrit që të japin mendime në vesh të shurdhet. Thjesht largohu dhe lër të krijohet një qeveri teknike”, shkruan Vargu në një postim në rrjet.
Postimi nga Petrit Vargu
Z.Kryeministër! Deri tani u tallje me opozitën jo parlamentare, me lokomotivën që ecte dhe me ata që shikonin me qesendi poshtë pemës.
Për PPP-te dhe bëmat e tjera nuk i pyete asnjeherë derisa shkatërrove ekonominë e vendit. Tani si Makiavelist që je, i thërret për mendim.
“By the Way”, Luli e ka ndërruar prapë shtëpine? Se me këto u more pas tërmetit të parë.
Lëri këto të papara “live” në 7 të mëngjesit mbledhje qeverie, sepse njerëzit e kuptojnë mirë sesa të cekët e të paditur jeni…
A e pe Shkrelin, që jepte këshilla praktike si duhet të sillen njerëzit e katit të parë dhe të fundit në rast tërmetesh?
Këto mund ti japësh me titra dhe në televizione dhe jo në mbledhje qeverie. Si resume e mënyrës si është sjellë Qeveria deri më sot, je thjesht i pa aftë të drejtosh këtë vend.
Inxhinierët dhe mjekët mos i thërrit që të japin mendime në vesh të shurdhet. Thjesht largohu dhe lër të krijohet një qeveri teknike.
