Juventusi është lider i ri në Serie A.
“Zonja e Vjetër” e ka mposhtur 2-1 Interin në “Giuseppe Meazza”, duke ia shkaktuar ekipit të Contes humbjen e parë këtë edicion në Serie A.
Paulo Dybala në minutën e 4’ dhe Gonzalo Higuain në minutën e 80’ shënuan për Juven e Sarrit, derisa për Interin realizoi Lautaro Martinez 18’.
Me këtë fitore të Juves në shtëpinë e Inter, ndryshon gjithçka në renditjen e Serie A.
Juve tani është lider me 19 pikë, kurse Inter mbetet në pozitën e dytë me 18 pikë.
Pavarësisht se Cristiano Ronaldo nuk realizoi në këtë derbi të Italisë, është vlerësuar si më i miri i takimit.
