Inter nuk e ka ndërmend të heqë dorë nga anësori i Manchester Unitedit, Anthony Martial. Skuadra italiane, Inter vazhdon të përcjellë situatën e francezit të Manchester Unitedit, Anthony Martial, shkruan “Gazzetta dello Sport”. Inter dëshiron të përforcojë edhe me dy lojtarë para se të përfundojë afati kalimtar, një mbrojtës të djathtë dhe një anësor të majtë.
Dëshira e trajnerit Luciano Spalletti është Martial, por si pjesë e marrëveshjes nuk do të përfshihet kroati Ivan Perisiç, për të cilin Inter i kërkon 55 milionë euro. Në listën e Interit janë edhe Emre Mor dhe Yann Karamoh.
