Drejtuesit e Real Madridit nuk do ta kenë të lehtë që të transferojnë yje gjatë kësaj vere, e sidomos asin e Chelseas, Eden Hazardin. Sipas tabloidit britanik, “Daily Star” mesfushori spanjoll, Isco ka paralajmëruar largimin nga Real Madridi, nëse Los Blancos e transferojnë Eden Hazardin nga Chelsea.
Presidenti i Real Madridit, Florentino Perez, është i çmendur pas Hazardit, dhe po synon që gjatë verës ta transferojë në “Santiago Bernabeu”. Por, Isco, i cili është përballur me vështirësi gjatë këtij sezoni, shkaku i mosinkuadrimit në lojë nga Zinedine Zidane, beson se klubi nuk ka nevojë të blejë një lojtar që ka cilësi të ngjashme. Nëse Real Madrid vendos ta transferojë Hazardin, i cili ka kontratë me Chelsean deri në vitin 2020, Isco do të kërkojë një klub të ri. Ai ka zgjuar interesimin e disa skuadrave të njohura si: Juventus, Milan, Barcelona, PSG e Chelsea.
