Nga Kastriot ISLAMI
Të gjithë e mbajnë mend si katranjos-gënjeshtar, pervers, grindavec e sherrxhi me të gjithë e për gjithçka derisa të merrte lodrën që i kishte vënë syri apo notën e pamerituar…
Katranjosi që grindej e zihej jo vetëm me shoqet e shokët por më vonë edhe me mësuesit, fillimisht se nuk i vinin në notë të mirë, pastaj fillonte të bënte sherr e të shante profesorin përse nuk i vinte një copë pesë…
Katranjosi që pasi u ngjit lart… filloi të pasurohej me para të pista dhe të kishte shokë kriminelë e trafikantë…
Katranjosi që në majë piramidës u shfaq edhe si hajdut, u bë mik i ngushtë i kriminelëve dhe trafikantëve…
Katranjosi që pagoi shuma të majme për të bërë foto e shtrënguar duart me profesorët…
Katranjosi që filloi të ulej në dreka e darka me profesorët thjesht për ti treguar barcaleta e qyfyre banale…
Katranjosi që nuk shkonte në pritje e takime me brekushe e atlete….
Katranjosi që i doli boja shumë shpejt se e mbushi ekipin e tij me katranjosë, hajdutë, kriminelë, trafikantë…
Katranjosi i zhgarravinave që sorrollatej nëpër botë…
Katranjosi që varfëroi dhe nënshtroi shqiptarët duke i detyruar të emigrojnë…
Katranjosi që mbeti 7 vjet në klasë….se e mori vesh e gjithë bota se cili është…
Katranjosi i cili kur e shpallën ngelës për herë të shtatë filloi të akuzonte profesorin…
Katranjosi ngelës filloi të nxiste bandën e tij të shanin e ofendonin profesorin…
Katranjosi ndërmori së fundmi një fushatë te egër kundër profesorit duke ulëritur:
Unë e kalova klasën por më ngeli kot profesori se i ka inat shokët e mi…
Fajin e ka profesori që s’më dha një copë pesë ndonëse futa shumë miq për të kaluar klasën…
Unë vetë nuk e çaj kokën që ngela në klasë se kështu e kam më te lehtë për të bërë qejf…
Shokët e tij bërtisnin: profesori është legen se asnjë saj kishte kërkuar ta kalonte shokun tonë…
Përgjegjës është vetë profesori që ka shumë probleme të brendshme…
Profesori nuk kupton realitetin se e ka gruan të vjetër…
E çdo ti bëhej profesorit legen po të më vinte një copë pesë…apo ka hall mos i zija vendin…
Qytetarë të ndershëm dhe të aftë!
Fajin nuk e ka thjesht katranjosi që arriti të ngjitej deri në majë të piramidës…e po tallet me të gjithë…
Fajin nuk e ka thjesht katranjosi që modeli i Katrasnjosit është bërë Model Suksesi….
Fajin nuk e ka vetëm katranjosi që shumica duan të bëhen katranjosë se kështu fitohet e cahet përpara…
Është koha për të reaguar që të mos mbeten në këtë vend vetëm katranjosët, hajdutët, kriminelët, trafikantët, perversët, sharlatanët, gënjeshtarët, mashtruesit…dhe të pamundurit, të varfërit…
