Kandidati më i ri për deputet i Koalicionit Euroatlantik në Qarkun e Vlorës, Ismail Ferraj, ka publikuar një postim entuziast në rrjetet sociale, ku bën thirrje për mbështetje ndaj vizionit të tij dhe të koalicionit që përfaqëson. Me një gjuhë energjike dhe simbolikë të fortë, Ferraj e cilëson votën për numrin 4 si të vetmen rrugë për ndryshimin që meriton Vlora.
“4 – E VETMJA RRUGË ➡️ nr.4 dhe Ismail FERRAJ për Vlorën ❤”, shkruan ai në postim.
Përmes këtij mesazhi, Ferraj synon të mobilizojë qytetarët – veçanërisht të rinjtë – që të bëhen pjesë e një politike të re, të pastër dhe të orientuar nga vlerat euroatlantike. Fokusi i tij është i qartë: një Vlorë që meriton më shumë, me përfaqësim të ndershëm dhe të vendosur për të thyer status quo-në.
