Djersitja është një funksion jetësor i trupit që kontribuon në rregullimin e temperaturës. Kur trupi ynë djersitet kur nuk ka nevojë të ftohet, atëherë po flasim për djersitje të tepërt.
Pse djersiten pëllëmbët?
Faktorë të ndryshëm, duke përfshirë obezitetin dhe menopauzën, mund të ndryshojnë sasinë ose frekuencën e djersës. Disa njerëz kanë hiperhidrozë palmare, që është termi mjekësor për pëllëmbët e djersitura. Kjo djersë ndonjëherë mund të shkaktojë shqetësim emocional dhe psikologjik dhe të ndërhyjë në aktivitetet e përditshme.
Simptomat e hiperhidrozës palmare
- Djersitje e tepërt që nuk është për shkak të ndryshimeve në temperaturën e trupit ose aktivitetit fizik.
- Djersitje që tenton të prekë vetëm pëllëmbët dhe gishtat.
- Rregullisht i ndjeni pëllëmbët e duarve të ftohta dhe të njoma.
- Në disa raste, gishtat mund të fryhen.
Çfarë nënkuptojnë pëllëmbët e djersitura për shëndetin tuaj
- Djersitja e pëllëmbëve mund të jetë simptomë e problemeve të ndryshme shëndetësore. Disa nga këto përfshijnë:
- Përdorimi i ilaçeve që kanë djersitje si efekt anësor.
- Çrregullimi i përdorimit të alkoolit (një grup çrregullimesh të sjelljes dhe fizike që lidhen me përdorimin e alkoolit) ose varësia nga droga.
- Infeksione, të tilla si tuberkulozi ose sepsë.
- Sëmundjet endokrine si diabeti dhe çrregullimet e tiroides.
- Gjendje neurologjike të tilla si sëmundja e Parkinsonit dhe goditja në tru.
Çfarë mund të bësh?
Nëse hiperhidroza palmare është një simptomë e re për ju, është e rëndësishme ta raportoni atë te mjeku juaj. Antidjersitësit janë një tretësirë që mund t’ju rekomandohet, por duhet t’i përdorni ato në mënyrë korrekte dhe sipas udhëzimeve të mjekut tuaj. Disa kura natyrale përfshijnë sherbelë, çaj jeshil dhe larës kamomil. Meqenëse djersitja e shtuar lidhet gjithashtu me stresin, ilaçet natyrale që e zvogëlojnë atë mund të ndihmojnë edhe me hiperhidrozën palmare. Mënyra të tjera për ta trajtuar atë janë injeksionet e toksinës botulinum, jontoforeza dhe terapia me lazer. Nëse problemi ndikon në jetën tuaj të përditshme, diskutoni zgjidhjet e mundshme me një dermatolog.
