Nga Alban Daci
Në vitet ’90 erdhën si pro-amerikan e sot un katandisen në armiq të amerikanëve e madje më të izoluar nga këto të fundit se Enver Hoxha e Ramiz Alia!
Erdhën në ’90 si mbështetësit më të mëdhenj të Perëndimit, i pritën nga Shtëpia e Bardhë e sot kishin të pranishëm një deputet të Forza Italia pa asnjë lloj peshë që nga fjalimi u pa se nuk ishte i informuar se ishte në një Kuvend/Kongres partiak, por sikur të ishtë ftuar nga Veliaj në një aktivitet bashkiak!
Erdhën me modelin kundër diktaturës e diktatorëve, por në fakt ua kaluan atyre. Ramiz Alia nuk nxorri fëmijët në Kongresin e Partisë, Enveri nuk u dha asnjë postë fëmijëve, nuk ju la trashëgimi pallate e pasuri.
Erdhën me idenë e rotacioneve dhe kundër modelit të unit, por për 30 vjet thanë vetëm Rroftë S… Madje edhe sot pas 30 vitesh përsëri duartrokitën të njëjtin person. As Putin, Erdogan e Lukashenko, të paktën publikisht nuk e kanë trashëguar familjarisht politikën e pushtetin.
Ramiz Alia e la pushtetin me zgjedhje të lira, këta po bëjnë foltore, rithemelime, revolucione imagjinare, kuvende vetëm që të mos largohen nga politika! Pra, Alia erdhi si diktator e u largua si demokrat e këta erdhën si demokratë e do të largohen vetëm si diktatorë!
Nga fitorja në fitorja edhe sot, por për fat të keq të atyre që besojnë akoma tek imagjinarja, nuk ka më asnjë fitore për ta! Kjo e fundit do të mbetet vetëm në imagjinatën e tyre si notalgji!
