Gerard Komini është kandidat i Koalicionit Euroatlantik në Qarkun e Fierit. I ftuar në emisionin “Log”. nga Endri Xhafo në News24, Komini tha se bindjet e tij janë të djathta dhe militon në një formacion politik të djathtë. Ai shton se lidershipi i “KEA”, Lulzim Basha ka promovuar mjaft të rinj në Parlament, duke përmendur edhe emrat e disa prej politikanëve që tanimë janë pjesë e politikës në moshë të re.
Komini kandidon në listën e hapur, por detaji interesant që ai përcolli në Log. ishte se kandidatët e listës së mbyllur kanë dhënë dorëheqjen, të cilat pritet të dorëzohen edhe në KQZ.
Gerard Komini: Që të arrish në zgjidhjen e akuza, të problemeve duhet të jesh pjesë e politikës, e vendimmarrjes, prandaj hyra në politikë. Parimet e mia janë të djathta, për këtë arsye isha dhe jam në një forcë të djathtë, jam në Koalicionin Euroatlantik për shkak të parimeve të mia dhe lidershipi që ka mbështetur më shumë të rinj.
Në Parlament ka promovuar mjaft deputetë të rinj nga Agron Shehaj, Andia Ulliri, Arbi Agalliu, Belind Këlliçi, Ervin Salianji, që u është dhënë besimi nga ky lidership.
Në Qarkun e Fierit synoj të fitoj mandatin e deputetit. Ne jemi në listë të hapur dhe çdo votë për Gerard Kominin, është votë për Gerard Komini. Kandidatët që janë në listën e mbyllur, sot që flasim kanë dhënë dorëheqjen dhe dorëheqjet e tyre do të depozitohen në KQZ.
