Basha është pritur nga qindra mbështetës në turmë, ndërsa kryedemokrati u bëri thirrje që të ruajnë distancën.
Gjatë ecjes në qytetin e Firit ku po zhvillon biseda, një vajzë e re i ka dalë përparakryetarit të PD, Basha duke i thënë se, është një socialiste e zhgënjyer.
“Jam një socialiste e zhgënjyer nga këta manipulatorë. Nga një kryeministër që ka 8 vite dhe thotë kjo ishte gjysma e rrugës sonë. Më mirë të mblidhemi këtu të vdesin nga virusi sesa nga ai kryeministër. Jam Kamela Troka”, tha ajo.
Basha i premtoi se do unë do punojë për të gjithë, edhe për socialistët.
Kryetari i PD premtoi çlirimin nga çdo stres i këtyre 8 viteve.
“Plani ynë do bëjë të mundur stabilizimin e gjendjes që të mos detyroheni të mbyllni qepenat. Një ditë pozitive bashkimi më 25 prilli. Do ju çlirojmë nga çdo stres dhe çdo problem i këtyre 8 viteve. Të gjithë bëhemi bashkë më 25, ta çlirojmë vendin nga e keqja dhe të sjellim pozitivitet”, tha Basha.
