Shfaqet emri i Adnan Januzaj në listën e përforcimeve të Romës, që dëshiron t’i vendosë në dispozicion Di Francesco-s, lojtarët e duhur për 4-3-3 e tij. Siç raportojnë mediat belge, drejtori Sportiv i verdhekuqve, Monchi është vendosur në gjurmët e lojtarit me origjinë shqiptare, i cili është në pronësi të Manchester United, por që në dy sezonet e fundit ka luajtur i huazuar te Borussia Dortmund e Sunderland.
