Mimoza Pano për ata që nuk e njohin, zonja ka mbaruar marksizëm në kohën e Enverit dhe pastaj më 2000 ka bërë edhe juridik shkolle nate. Mimoza Tasi ka qenë ish-edukatore kopshti aktualisht dhe drejtoreshë në Kuvend. Zonja në fjalë nuk ka qenë në nivele drejtuese për periudhën e kërkuar taksativisht nga ligji, pasi ka qenë thjesht sekretare komisioni, më pas këshilltare komisioni në Kuvend. Pra, nuk ka qenë në nivel drejtues siç e kërkon ligji.
Kuvendi i Shqipërisë miratoi më datë 17.06.2017 me 100 vota pro dhe dy kundër listën me 27 anëtarët e komisioneve të vetingut, duke i hapur kështu rrugën zbatimit në praktikë të njërës prej hallkave më të rëndësishme të reformës në drejtësi, siç është ajo e rivlerësimit të gjyqtarëve dhe prokurorëve.
Më herët, komisioni ad hoc i drejtuar nga deputeti i Partisë Socialiste, Pandeli Majko, përzgjodhi përmes votimit të fshehtë elektronik 12 anëtarët e Komisionit të Pavarur të Kualifikimit dhe dy anëtarët zëvendësues, si dhe komisionerët publikë. Fillimisht, procedura pati paqartësi të mëdha lidhur me mënyrën e votimit, por më pas gjithçka vazhdoi normalisht.
Në listën e anëtarëve të KPK është edhe emri i Mimoza Tasit, juristes nga Tirana. “Newsbomb.al” ka mundur të sigurojë listën e notave të zonjës Tasi, e cila ka mbaruar juridikun me 5-a.
Gjatë viteve 1994–2000 ka kryer studimet në Universitetin e Tiranës, në degën drejtësi në sistemin pa shkëputje nga puna (korrespondencë), në përfundim të së cilës ka marrë titullin jurist.
