Procesi i vaksinimit në ditën e tretë të saj në sheshin ‘Skënderbej’, është shoqëruar me radhë masive dhe revoltë nga të moshuarit që presin me orë të gjata për t’u vaksinuar.
Të moshuarit ankohen se procesi nuk është i organizuar, dhe se qytetaret futen pa radhë.
Të revoltuar ata shprehen se vaksinimi duhej të ishte bërë në qendrat shëndetësore dhe jo në sheshin ‘Skënderbej’.
Përveç kaosit të krijuar të grumbullimit masiv të të moshuarve në qendër, ata shprehen skeptike për vaksinën kineze duke theksuar se nuk është e certifikuar dhe se garanton 50% efikasitet.
