Gerald Rraja, djali i xhahaxhait të deputetit të PS, Rrahman Rrja është kapur me një serë droge peranë shtëpisë së tij. Njoftimi është bërë nga Policia që ka dhënë detaje të reja në lidhje me operacionin e zhvilluar në Fushë Krujë. Në videon e publikuar nga faqja e tyre në Facebook shihet mënyra se si janë arrestuar disa nga naëtarët e grupit që shisnin drogë në këtë zonë.
Njërin prej tyre shihet që e kanë shtrirë në mes të rrugës për t’i vënë prangat. Ndërkohë një tjetër e kanë zbritur nga makina dhe më pas e kanë arrestuar.
Ditën e sotme policia e Fushë Krujës ka realizuar një megaoperacion antidrogë. Në pranga janë vënë 11 persona, ndërsa 20 të tjerë janë proceduar.
Emrat e disa prej të arrestuarëve që janë: Gerald Rraja, Aurel Tema, Gilmando Bami, Edvin Zalla banues në Fushe Krujë, Elvis Qoku dhe Xhilion Xhemlloari, banues në Tiranë.
Policia e Shtetit
Finalizohet një tjetër operacion policor për goditjen e veprimtarisë kriminale në fushën e narkotikëve
Operacioni nga Departamenti i Policisë Kriminale, Drejtoria e Forcës së Posaçme Operacionale, DVP Durrës, Komisariati i Policisë Krujë, DVP Tiranë, nën drejtimin e Prokurorisë së Rrethit gjyqësor Krujë.
Operacioni i ndjekur me metoda speciale te hetimit prej disa muajsh.
Goditet një grup që merrej me shpërndarje të lëndëve narkotike.
Nën drejtimin e Prokurorisë së Rrethit Gjyqësor Krujë, pas një hetimi proaktiv disamujor me metoda speciale të hetimit nga Komisariati i Policisë Krujë në bashkëpunim me Forcën e Posaçme Operacionale në Policinë e Shtetit, u finalizua operacioni policor ku si rezultat u arrestuan në flagrancë shtetasit:
- B., 20 vjeç, banues në Kameras, Fushë Krujë.
Xh. Xh., 24 vjeç, banues ne Tiranë.
- T., 19 vjeç, banues në Larushk, Fushë Krujë.
- Q., 25 vjeç , banues ne Tiranë.
- Z., 39 vjeç, banues në Fushë Krujë
Shërbimet e policisë kanë bërë të mundur kapjen në flagrancë të këtyre shtetaseve, të cilët ishin duke shkëmbyer një sasi lënde narkotike të dyshuar si Cannabis Sativa, të ndarë në doza të vogla, gati për shitje.
Nën drejtimin e Prokurorisë, vijon puna për dokumentimin e plotë ligjor të veprimtarisë kriminale të ushtruar nga këta shtetas, si dhe për evidentimin dhe kapjen e personave të tjerë të përfshirë në këtë aktivitet kriminal.
Për arsye se operacioni është në vijim, nuk bëjmë me dije të dhëna të tjera.
