Xherdan Shaqiri do të jetë i gatshëm për ndeshjen ndaj West Bromich Albionit, ndeshje e cila luhet të dielën nga ora 17:00, në kuadër të xhiros së 15-të në Premierligë.
Jurgen Klopp, ka konfirmuar se Xherdan Shaqiri do të jetë i gatshëm për këtë ndeshje.
“Shaqiri ka stërvitur shumë mirë dhe veçse është adaptuar mirë. Duket mirë dhe do të jetë i gatshëm për ndeshjen e radhës pasi i kemi edhe dy stërvitje tjera para ndeshjes”, është shprehur Klopp.
28 vjeçari në këtë sezon është përballur me lëndime të shumta duke e shënuar një gol dhe një asistim nga pesë ndeshje për Liverpoolin.
