Futbolli egjiptian është në zi. Komentatori sportiv Abdel Rahim Mohamed vdiq për shkak të një ataku kardiak pas disfatës së Salah me shokë në ndeshjen ndaj Arabisë Saudite, e vlefshme për ndeshjen e tretë dhe të fundit të Grupit A, në Kampionatin Botëror “Rusi 2018”. Sikurse referon “Russia Today”, që citon mediat lokale, ish-futbollisti u ndje keq pas golit deçiziv të pësuar në minutat shtesë.
I ndihmuar menjëherë nga kolegët Mohamed më pas u dërgua në spitalin francez Qasr Al-Aini, ku mjekët kanë tentuar ta rianimojnë për më shumë se gjysmë ore, por pa sukses. Rahim Mohamed po komentonte ndeshjen në kanalin Nile Sports. Në tentativën për t’i shpëtuar jetën kolegët e dërguan menjëherë në repartin e asistencës mjekësore në katin e shtatë të ndërtesës së televizionit shtetëror egjiptian. Por, të gjitha përpjekjet për ta risjellë në jetë në përfundim rezultuan të kota. Egjipti e mbylli aventurën në Botëror në vendin e fundit të Grupit A, me 0 pikë.
