Basha theksoi se listat e hapura eliminojnë sekserin kryetar partie dhe mekanizmin e ndërtimit të privilegjeve.
“Nuk është interes partiak, por shërbim ndaj shqiptarëve. Na duhet votimi elektronik dhe numërimi elektronik”, theksoi ai.
Ndërsa shtoi se Komisioni do të përfundojë mandatin pa një Rerformë Zgjedhore dhe me një Kod Zgjedhor të cunguar.
“Jemi një vit para zgjedhjeve parlamentare nëse mbahet në bazë të afatit të caktuar në Kodin Zgjedhor. Shkojmë atje një ditë përpara përfundimit të mandatit të Komisionit të Reformës zgjedhore, pa një reformë zgjedhor dhe me një Kod Zgjedhor të cunguar dhe të goditur nga Gjykata Kushtetuese.
Ne si PD kemi kërkuar një proporcional kombëtar me lista të hapura, me votim elektronik dhe numërim elektronik, bën të mundur votimin e diasporës, masivisht pa mundësi manipulimi.
Listat e hapura nuk i kërkojmë për veten tonë. Janë një farë mase kompensimi për mungesën e një mazhoritari të pastër, sepse mundëson që shqiptarët të dërgojnë në Parlament ata që mendojnë se e meritojnë, duke eliminuar sekserin kryetar partie, me gjithë mekanizimin e ndërtimit të favoreve privilegjeve që mundësojnë ndërtimin e klienteles politike post 2008.
Nuk është interes partiak, por shërbim ndaj shqiptarëve. Na duhet votimi elektronik dhe numërimi elektronik, që është provuar i suksesshëm në 4 palë zgjedhje dhe kundërshtohet pa asnjë argument”, u shpreh Basha në tryezën e dialogut me temë “Harku Opozitar Euro-Atlantik”.
