Deklarata e Kryetarit të PD, Basha për djegien e mandateve ka sjellë një konsensus të madh popullor në rrjetet sociale. Ajo që shikohet është një mbështetje e madhe në opinionin publik për propozimin e Kryetarit të PD, Basha. Në opinionet e tyre qytetarët shprehen se opozita duhet të bashkohet me popullin dhe të braktisë Parlamentin pasi ajo nuk mund të vazhdojë të jetë një opozitë fasadë.
Propozimi i Bashës për djegien e mandateve erdhi pas protestës së madhe popullore dhe mbështetjes më të madhe historike që ka gjetur opozita në popull.
Edhe në grupin parlamentar të PD, deputetët kanë deklaruar se janë gati të djegin mandatet dhe po diskutojnë për rrugët ligjore për të finalizuar këtë vendim të madh dhe historic të opozitës.
Në mbledhjen e Grupit parlamentar të Partisë Demokratike kanë nisur diskutimet mbi propozimin e kryetarit Lulzim Basha për djegien e mandateve të deputetit.
Deputeti i PD-së, Ervin Salianji ashtu sikundër kishte deklaruar edhe më parë ka shperhur qëndrimin e tij të prerë në mbledhjen e grupit të PD-së, për lënien e mandateve nga ana e deputetëve, e të mos pritet më gjatë për të zyrtarizuar vendimin.
“Po flasim qe ti leme mandatet. Une thashe duhet ti leme dhe te gjejme hapesirat ligjore qe ti leme qe tani. Flamuri, Antoni, Flor Mima, une, Strazimiri deri tani kemi thene ti leme”- tha Salianji.
Flamur Noka: Duhet djegia e mandateve, të bashkohemi me qytetarët. Nuk mund të jemi opozitë fasadë. Ky është një regjim, nuk mund të sillemi normalisht.
Agron Duka: në mënyrë absolute jam për djegien e mandateve.
Florian Mima: Jam për djegie mandatesh
Oriola Pampuri: Djegia e mandateve, akt sublim.
