Në vitin 2023, numri i viktimave të regjistruara të trafikimit të qenieve njerëzore në BE ishte 10.793. Ishin 8.471 trafikantë të dyshuar dhe 2.309 trafikantë të dënuar. Gati dy të tretat (63%) e viktimave të regjistruara të trafikimit të qenieve njerëzore ishin gra ose vajza. Ndërkohë, më pak se një e katërta e trafikantëve të dyshuar dhe të dënuar ishin gra (përkatësisht 24% dhe 23%).
Gjatë vitit 2024 krimet seksuale në Shqipëri kanë shënuar një rritje me gati 30% në krahasim me vitin paraardhës, sipas raportit vjetor të Prokurorisë së Përgjithshme mbi kriminalitetin në vend, i dorëzuar në Kuvend, evidenton 161 hetimet në total, që kanë dërguar 85 persona si të pandehur në sallën e gjyqit.
Veprat karakteristike të kësaj natyre krimi janë vërejtur “marrëdhëniet sekuale ose homoseksuale me të mitur” dhe “ngacmimi seksual” dhe mes të pandehurve është një vajzë, si edhe një i huaj.
Referuar raportit, vepra penale më e ndeshur gjatë vitit të shkuar ishte “vjedhja e pasurisë”, që përbënte 62% të hetimeve penale në prokuroritë e zakonshme në vend. Veprat penale në fushën e narkotikëve zinin 10% të totalit, ndërsa vepra më pak e hasur ishte “falsifikimi i monedhav edhe letrave me vlerë”, në më pak se 1%.
Ndërsa abuzimi seksual ndaj femrave ka pësuar rënie në Europë. Të dhënat më të fundit të Eurostat, Instituti Europian i Statistikave, japin një panoramë të qartë mbi abuzimin kryesisht ndaj femrave për vendet anëtare të BE-së, ndonëse mungojnë për ato kandidate si Shqipëria. Viktimë në v endet e rajonit tonë, që janë kryesisht më të varfrat në BE, si Rumania, Bullgaria dhe Greqia, bien vetë shtetasit e atij vendi ndërsa në perëndim shfrytëzohen emigrantë dhe bien viktima të trafikimit qytetarë të ardhur nga vendet e tjera.
Në vitin 2023, kishte 24 viktima të regjistruara të trafikimit të qenieve njerëzore për një milion banorë në BE, krahasuar me 23 në vitin 2022. Në vitin 2023, normat më të larta në BE janë vërejtur në Luksemburg (157), Greqi (51), Holandë (49), Austri (47) dhe Suedi (45), ndërsa normat më të ulëta janë vërejtur në Kroaci dhe Lituani (5), dhe Çeki (2).
Normat më të larta mund të lidhen me një kapacitet më të madh të gjyqësorit dhe sistemit social për të identifikuar viktimat. Kjo vlen për Luksemburgun, ku përpjekjet e mëparshme, përfshirë një qëndrim proaktiv nga inspektorët e punës që morën pjesë në kurse trajnimi të detyrueshëm për trafikimin e qenieve njerëzore, kanë kontribuar në identifikimin e më shumë viktimave.
Midis viktimave të regjistruara forma e shfrytëzimit të të cilave u raportua, kishte 4.201 viktima të trafikuara për shfrytëzim seksual (43.8% e të gjitha viktimave), 3.457 viktima të trafikuara për punë të detyruar (36.0%) dhe 1.937 viktima të trafikuara për qëllime të tjera, si heqja e organeve, përfitimet për mashtrim etj.
Ka pasur një rritje të dukshme gjatë viteve të fundit në numrin e viktimave të regjistruara të trafikuara për punë ose shërbime të detyruara. Ndërmjet viteve 2008 dhe 2018 përqindja e viktimave ishte midis 14% dhe 21% dhe nga viti 2019 e në vazhdim pjesa ishte midis 28% dhe 41%.
Ndër viktimat e regjistruara përqindja e shfrytëzimit seksual u ul gradualisht gjatë periudhës 2008-2023. Por ka pasur një rritje të dukshme në numrin e viktimave të regjistruara të trafikuara për punë ose shërbime të detyruara. Ndërmjet viteve 2008 dhe 2018, përqindja e viktimave të trafikuara për punë dhe shërbime të detyruar ishte midis 14% dhe 21% dhe nga viti 2019 e në vazhdim pjesa ishte midis 28% dhe 41%. Heqja e organeve dhe qëllime të tjera shfrytëzuese, duke përfshirë përdorimin për mashtrim me përfitime, aktivitete kriminale dhe lypje të detyruar, ishin në 20.2% në 2023.
Duke qenë se krimi i trafikimit nuk kërkon kalimin e kufijve, viktimat me shtetësi të vendit raportues mund të kthehen nga jashtë ose të shfrytëzohen në vendin e tyre. Në vitin 2023, për BE-në në tërësi, 28% e viktimave të regjistruara vinin nga vendi raportues, 7,9% nga vendet e tjera të BE-së dhe 64,1% nga vendet jo anëtare të BE-së.
Në nivel vendi, shtetësia e viktimave ndryshon në mënyrë të konsiderueshme: Bullgaria, Rumania, Sllovakia, Hungaria, Kroacia, Letonia, Lituania dhe Polonia raportuan kryesisht viktima nga vendet e tyre, ndërsa më shumë se 80% e viktimave të regjistruara në Austri, Maltë, Slloveni, Spanjë, Danimarkë, Belgjikë, Portugali, Greqi, Finlandë, Itali, Luksemburg dhe Estoni, vinin nga vendet e tjera./liberale.al
