Një person shtë vrarë me armë zjarri në fshtin Dukat të Vlorës, ndërkohë që një makinë është e djegur plotësisht.
Nga të dhënat e para bëhet fjalë për një djalë të moshës 28-30 vjeç me mbiemrin Bozhani, por të dhënat e sakta ende nuk dihen.
Policia e cila paraprakisht tha se makina me të cilën udhëtonte i riu është qëlluar me tetë plumba ka ngritur postoblloqe në akset kryesore.
NJOFTIMI PARAPRAK
Më datë 01.12.2020, rreth orës 21:00, në Sallën Operative Vlorë ka ardhur një telefonatë nga një qytetar se në Fushë- Dukat, Orikum një automjet ka ndaluar në rrugë dhe brenda tij ka një person të pa jetë.
Menjëherë kanë shkuar shërbimet e Policisë dhe kanë konstatuar të pajetë shtetasin B. B., rreth 27 vjeç, dyshohet ka humbur jetën nga përdorimi i armës së zjarrit.
Shërbimet e Drejtorisë Vendore të Policisë Vlorë dhe të Stacionit të Policisë Orikum kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen.
Grupi hetimor nën drejtimin e Prokurorisë po vijon punën për sqarimin e rrethanave të ngjarjes, me qëllim identifikimin dhe kapjen e autorëve.
