Kristjan Asllani ka qenë një ndër lojtarët më të kritikuar pas humbjes së Interit në derbin përballë Milanit në Kupën e Italisë dhe në mediat italiane, shkruhej dje se kjo sfidë kishte nxjerrë në pah faktin se ai pritet të largohej në verë pasi nuk ka përmbushur pritshmërinë. “Gazzetta Dello Sport” i kishte vendosur notën 4 futbollistit shqiptar në vlerësimet e saj për ndeshjen.
Por gazetari i njohur italian, Mauricio Pistoki, ka shprehur çudinë e tij me këto vlerësime për mesfushorin shqiptar, pasi mendonte se Asllani kishte qenë ndër më të spikaturit në fushë për ndeshjen në fjalë, për sa minuta kishte qenë në lojë.
“Pasi kam parë dhe riparë (për skrupull) Inter-Milan, tronditem kur lexoj se Asllani ishte ngelës nga “Gazzetta Dello Sport”, ndërsa sipas opinionit tim modest, ishte një nga më të mirët mes zikaltërve.
Opinion i konfirmuar edhe nga një nga faqet e analizave futbollistike më të besueshme, Sofascore, e cila ka analizuar ndeshjen dhe ka vendosur Asllanin – vlerësimi statistikor 7,0 – mes më të mirëve, me Bisek 7,4 dhe Lautaron 7,2. Ka ardhur momenti që edhe vlerësimet të bëheshin duke përdorur të dhënat statistikore. Shifrat nuk diskutohen, opinionet po”, shkruante ai në një positm në rrjete sociale duke i dalë në krah Asllanit.
