Kryetari i Bashkë Kamëz, Xhelal Mziu është ftuar për të marrë pjesë në Forumin e Tretë të kryebashkiakëve në datat 29-30 shtator në qytetin Quezon, Filipine, ku gjatë këtij forumi do të diskutohet rreth temave të ndryshme, por më kryesoret do të jenë ato në lidhje me lëvizjen e popullsisë në tërësi, zgjerimin demografik si dhe për migrimin dhe zhvillimin. Ky është forumi i tretë që do të zhvillohet dhe qëllimi kryesorë i këtij forumi është të sigurojë një hapësirë globalisht të rëndësishme për kryetarët e bashkive dhe udhëheqjen e tyre, për strategjitë se si të menaxhojnë me sukses migrimin për zhvillim të qëndrueshëm. Forumi i Tretë i Kryetarëve në lidhje me Lëvizjen e Popullsisë, Zgjerimit Demografik, Migrimin dhe Zhvillimin, i mbledhur çdo vit shërben për të nxitur një dialog të rëndësishëm global të politikës, për të nxitur shkëmbimin e përvojave në qeverisjen e migracionit, dhe strategjitë se si për të punuar së bashku.
Forumi i Kryetarëve është një forum i udhëhequr dhe bashkë-organizuar nga Iniciativa e Përbashkët Migrim dhe Zhvillim (JMDI), së bashku me partnerët e saj IOM, UNITAR dhe KNOMAD e Bankës Botërore. Këtë vit, temat e Forumit të Tretë janë: a) Promovimi i zhvillimit ekonomik dhe prosperitetit njerëzor – duke mbështetur rolin e diasporës në zhvillimin e mëtejshëm të origjinës se komuniteteve dhe destinacionit të tyre; b) shpërndarja e një mbrojtje efektive të të zhvendosurve me forcë.
Forumi i parë i Kryetarëve për Lëvizshmërinë, Migrimin dhe Zhvillimin që u mbajt në Barcelonë, Spanjë, në qershor 2014 dhe arriti kulmin me nënshkrimin e “Thirrja e Barcelonës” e cila ishte një deklaratë e përbashkët, e cila u bënte thirrje qyteteve të jenë një partner integral në vendimet e lidhura me migrimin. Ndërsa, Forumi i dytë u zhvillua në Quito, Ekuador, në nëntor 2015 dhe arriti kulmin me nënshkrimin e “Agjendës Lokale të Quitos”, e cila solli së bashku zërat e pjesëmarrësve të Forumit dhe e grupeve të interesit në të gjithë globin për të përshkruar rolin e tanishëm dhe potencial qyteteve në zbatimin e Objektivave të reja të Zhvillimit të Qëndrueshëm në lidhje me lëvizjen e popullsisë. Parë në këtë këndvështrim ky Forum do të shërbejë si një urë lidhëse në shtrirjen e gjerë të bashkëpunimit për të përmirësuar politikat menaxheriale të lidershipit në qeverisjet lokale.
