Kryetari i bashkisë së Memaliajt, Albert Malaj i ka bërë një letër kryeministrit Edi Rama, me anë të së cilës kërkon që një pjesë të emigrantëve afrikanë ti strehojë në Memaliaj.
Malaj është zgjedhur kryetar i bashkisë nga koalicioni Metaj-Berisha në zgjedhjet e 14 majit.
Ai ka zgjedhur kështu të jetë pro ardhjes së emigratëve në Shqipëri, madje ju bën ftesë të shkojnë në bashkinë që drejton ai.
“Bazuar në marreveshjen e lidhur mes Kryeministrit te Shqiperise me Kryeministrin e Italise, ne te cilen ështe dakortsuar per sjelljen e emigranteve dhe azilkerkuesve afrikan nga Italia në kampe te vendosura ne Shiperi, eshte momenti te tregojme mikpritjen tone nisur nga perjetimi dhe mikpritja qe ne per shume vite si emigrante e kemi gjetur ne shtetet europiane.
Bashkia Memaliaj shpreh gatishmerine e saj per te strehuar nje pjese te emigranteve nisur dhe nga eksperienca e fituar ne vitin 98 duke strehuar dhe treguar traditen e mikpritjes ndaj vellezerve tane te Kosoves, mbeshtetur ne dakortesimin e komunitetit i cili eshte i gatshem per te dhene kontribut pozitiv në jetesen e emigranteve, zoterimi i hapesirave dhe ambjenteve te pershtatshme akomoduese, si dhe pozicionimi i favorshem i territorit te bashkise ne afersi te portit te Vlores dhe Sarandes.
Mbështetur edhe ne eksperiencen time profesionale si nje ish ushtarak, i kualifikuar per menaxhimin e krizave te refugjateve ne misionet e ngarkuara jashte Shiperise jam i pergatitur dhe i gatshem per te siguruar miremenaxhimin dhe mbarvatjen e procesit te strehimit t emigranteve te huaj dhe ne Bashkine Memaliaj”, shkruan në letër ndër të tjera.
Në bazë të marrëveshjes, Italia do të financojë dy qendra për të menaxhuar emigrantët pa leje qendrimi.
Këto struktura fillimisht do të presin jo më shumë se 3 mijë persona që do të qëndrojnë aty kohën e nevojshme për të shqyrtuar kërkesat për azil.
Do të qarkullojnë në vit deri në 36 mijë persona, natyrisht jo njëkohësisht, pasi kapaciteti maksimal i dy qendrave do të mbetet deri në 3000 persona në muaj.
