Kryetarja e LSI, Monika Kryemadhi ka shpërthyer me tone të forta ndaj shfaqjeve të rreme të Ramës me të ashtuquajtuart kërcënime për bashkim me Kosovën si dhe sulmeve ndaj BE. Kryemadhi, e ftuar në emisionin “Zonë e Lirë” tha se, nuk e merr seriozisht Ramën. Kryemadhi teksa e cilësoi kryeministrin si një prostitutë tha se është e paprecedentë që Rama ka qëndrim ndryshe me ministrat e kabinetit të tij qeveritarë, si Ahmetaj dhe Bushati.
Pyetjes së gazetarit Çani nëse Rama po bën lojën e Putin dhe të Erdogan duke i shkelur syrin atyre Kryemadhi i dha një përgjigje të fortë: “Rama vdes t’i shkelë syrin atyre, por është si puna asaj prostitutës së keqpërdorur që nuk e marrin seriozisht”.
Më tej, Kryemadhi shton se ajo me Presidentin e vendit Ilir Metën ndan vetëm shtratin ndryshe nga Bushati dhe Rama.
“Rama është si puna e prostitutës,është shumë e shpërdoruar. Kemi me një kryeministër që është dakord për taksën ndaj Serbisë, ndërsa ministri i EKonomisë thotë se nuk është dakord. Unë vërtet ndaj shtratin me Ilir Metën, por idealizmin me LSI-së nuk endaj me të ndërsa Ditmir Bushati dhe Edi Ramën nuk është çështje shtrati”, u shpreh ajo.
Kryemadhi ka treguar detaje në lidhje me veprimet e Edi Ramës. “‘Edi Rama është paranojak, kudo ku shkon merr shishet e veta me ujë. Merr ushqimin me vete sepse ka frikë. Ai kudo ku shkon ka paranojë se mos i ndodh ndonjë gjë’, është shprehur kryetarja e LSI-së, Monika Kryemadhi.
Kryemadhi: Berisha është burrë shteti dhe gjithmonë kur e thotë diçka ai e çon deri në fund
Kryetarja e Lëvizjes Socialiste për Integrim, Monika Kryemadhi, ka sulmuar ashpër kryeministrin Edi Rama pas deklaratës së tij në Pejë, se Kosova dhe Shqipëria do të bashkohen deri në vitin 2015.
Sipas saj, “Edi Rama në politikën e jashtme ka qenë gjithmonë i dështuar e qesharak.
Më tej ajo tha se, nuk e ka marrë kurrë seriozisht Edi Ramën për deklaratat e tij nacionaliste, pasi sipas saj ai e bën këtë vetëm për të tërhequr vëmendjen.
Më tej ajo tha se ndryshe do të ishte nëse një deklaratë të tillë do e bënte ish-kryeministri Berisha, pasi sipas saj ai atë që e thotë e çon deri në fund.
“Edi Ramën e marr seriozisht, vetëm për kontrastin e ngjyrave në pikturë. Sa i përket deklaratave të tij nacionaliste, asnjëherë nuk e kam marrë seriozisht, madje askush nuk e marr seriozisht. Ai bën deklarata nacionaliste kur do të tërheqë vëmendjen.
Nëse do ta përmendte diçka të tillë Sali Berisha, po, atëherë do të thoja pa ta shoh edhe një herë se çfarë ka thënë Sali Berisha. Sali Berisha është burrë shteti dhe gjithmonë kur e thotë diçka ai e çon deri në fund këtë”, tha Kryemadhi.
Kryemadhi ka dhënë mendimin e saj në lidhje me faktin nëse Edi Rama do ta kandidojë Erion Veliajn për herë të dytë në Tiranë apo jo. Sipas Kryemadhit, Rama nuk do ta kandidojë më Erion Veliajn në Tiranë.
Kryetarja e LSI-së tha se e ka këtë mendim të saj, pasi nëse Veliaj do të kandidonte sërish për Tiranë, do ta kishte shumë më të lehtë që të marrë drejtimin e PS-së. Për Kryemadhin, në PS situata është shumë e rëndë për shkak të implementimit të sektit Rilindja në parti.
Unaza e Madhe, Kryemadhi: Rezistenca, e vetmja mënyrë kundër Ramës
Kryetarja e Lëvizjes Socialiste për Integrim, Monika Kryemadhi, mbrëmjen e sotme kërkoi mbështetjen e qytetarëve të thjeshtë për banorët e Unazës së Re, lidhur me protestën që këta të fundit po bëjnë në mbrojtje të banesave dhe bizneseve të tyre.
Kryemadhi u shpreh në emisionin “Zonë e Lirë”, se nuk është kundër rrugës, por qytetarët duhet të dëmshpërblehen.
“Rruga ku ndërtohet, të sqarojnë kush është pronari i tokës? Të publikohet harta. Jemi dakord për rrugën, por banorët të dëmshpërblehen. Mes banorëve, janë dhe 150 familje të përmbytura nga Liqeni i Fierzës. Vetëm nga energjia që ka prodhuar Hidrocentrali i Fierzës, do mjaftonte për blerjen e apartamenteve për strehimin e tyre.
Edi Rama do ta ketë të vështirë. Edi Rama është ne cep. Qendresa duhet te vazhdojë. Duhet suporti edhe i shumë qytetarëve të tjerë, të cilët do të jenë gjithashtu viktima të planeve gllabëruese të Edi Rames. Të gjithë njerëzit e duan rrugën. Por 40 milionë euro që do hidhen nuk do ta zgjidhin çështjen e trafikut”, tha Kryemadhi.
Kryemadhi është pyetur mbi rolin e Edi Ramës si kryeministër, ndërsa Monika Kryemadhi ka shpërthyer në akuza ndaj tij, duke e cilësuar si marionetë të grupeve kriminale ndërkombëtare në Shqipëri.
Kryemadhi: Rama është dorëzuar e rekrutuar në grupet kriminale dhe e ka zbatuar këtë plan në Shqipëri.
Çani: E zëmë se është e vërtetë kjo që the. Të duket gjë e vogël edhe sikur të jetë kështu? Duhet të jesh i aftë që të kapesh nga i vend, që të përdoresh nga krimi ndërkombëtar.
Kryemadhi: Duhet të jesh i aftë ose i dobët.
