Nga Azgan Haklaj
Odiseja e vulës dhe siglave të PD-së duket si një rrugë pa krye që në finish nuk do ketë të fituar brënda demokratëve.
Në fakt kjo nuk është në thelb një betejë mes demokratëve.
Është një betejë e pastër parimesh.
Është beteja midis klanit pseudopluralist të post diktaturës së krijuar nga Ramiz Alia e sigurimi i shtetit dhe demokratëve qëndrestarë të prirë nga Lulzim Basha që vendosën të bëjnë pastrimin, ndryshimin dhe rivendosjen e aspiratave të pastërta mbi të cilat u krijua Partia Demokratike.
E pikërisht atëherë kur filloi materializimi i këtij objektivi jetik filloi dhe reaksioni agresiv.
Ky reaksion pavarësisht mantelit propagandistik ishte një unison i treshes Berisha-Rama-Meta për asgjësimin e PD-së.
Operacioni filloi me sulmin e dhunshëm mbi selinë e demokratëve, i cili u ndihmua nga policia e shtetit dhe organet ligjzbatuese.
Ata bënë sehir teksa një grup kriminal i skeduar përdori gjithfarë mjetesh deri në rrezikimin e jetës së deputetëve, zyrtarëve e demokratëve që gjëndëshin në selinë e tyre.
Edhe veprimet e mëpastajme të organeve të drejtësisë ishin në unison me strategjinë e trekëndëshit të Bermudës për të kulmuar me një vendim jo logjik e aspak juridik i njohur si vendimi “Zhukri” i cili grabiti përkohësisht simbolet, vulën dhe legjetimitetin e Partisë reale Demokratike.
I vetmi argument qesharak deri në çmenduri ishte një tubim dimëror në stadium me njerëz të pa mandat të mbledhur me autobusë e të rekrutuar me 5 mijë lekeshe të fondit “bamirës” të Shkelzen Berishës.
Asnjë instancë partiake legjitime nuk mori pjesë perveç kasafortës së ndyshkur në zyrën e Edi Palokës, një tjetër kryengritës dhe ky në krah të non gratës Sali Berisha.
Nuk kishte nevojë për asnjë lloj reflektimi juridik dhe as thellimi hetimor nga gjykata e Zhukrosur, mjaftonte vetëm hapja e kasafortës dhe aty do gjendeshin fletë formularësh të falsifikuara, të gjitha të vulosura e firmosura nga nëndega nr.3 e kryeqytetit dhe aspak sipas rregullit dhe statutit me vulën qëndrore të partisë.
Shumëkush pyet pse pikërisht tani mori hov ky revansh?
Shpjegimi është i thjeshtë dhe i argumentuar.
Eshtë revanshi i dëshpërimit i treshes Rama-Berisha-Meta.
-Sapo Sali Berisha kishte marrë ndëshkimin “non grata”nga SHBA-të dhe Ilir Meta ishte paralajmeruar seriozisht..
-Deshtoi me turp konsipracioni” McGonigal” kundër Lulzim Bashës dhe çështja kishte arritur në Gjykatën Federale Amerikane.
-Establishmenti kishte marrë sinjale reale se organet e drejtësisë se re të përfaqësuar nga SPAK kishin filluar hulumtimet për bëmat e tyre me korrupsion madhor.
Pra me pak fjalë çeta e çakejve nuk kishte rrugë tjetër veçse atë të faktorizimit politik me dhunë si presion ndaj shqiptarëve dhe aleatëve tanë euroatlantikë për t’ju deshmuar se duhet të jenë të paprekshëm pasi kanë mbështetje masive.
Por ndonëse në këtë situatë kaotike ata u munduan të notojnë dhe të tejkalojnë gjithçka por do të përfundojnë me mbytjen e tyre përfundimtare politike.
-Sali Berisha i ngujuar nën çati ka muaj që ulurin broçkulla me keq se të sëmurët mentalë në spitalin e psikiatrisë.
-Ilir Meta vijon me zhytje i ndërgjegjshëm dhe i lemerisur se shpejt e pret një mbytje.
-Edi Rama i diskretituar botërisht me korrupsionin më të paparë në glob, me gjysmën e qeverisë e administratës politike e publike në qelitë e burgut si dhe i anatemuar nominalisht nga raportet më reputative ndërkombëtare.
E solla këtë tablo-parantezë jo se nuk dihet botërisht por si freskim kujtese njerëzore e juridike e cila nuk le vend për asnjë gjykim tjetër veçse kthimin e simboleve dhe legjitimitetit të grabitur të PD-së për interesa okulte, klanore e familjare.
Loja më vulën nuk është rastesi.
Është pjesë e ujdisë Rama-Berisha që përditë po shikohet qartë që nga unisoni parlamentar për amnistinë dhe reformën zgjedhore deri tek inkuadrimi i zv / Kryeministres Balluku në grabitjen e vulës dhe siglave të PD-së nga rrethi i saj nepotik në gjyqsor.
A ka gjë më absurde se sa vendimi i treshes së Gjykatës së Apelit që legjetimon Komisionin e Përkohshëm të Rithemelimit KPR apo G29, duke rrezuar kërkesën e Alibeajt se gjoja nuk kishte fuqi juridike sepse Basha që ia delegonte kishte dhënë dorëheqje publikisht.
Natyrshëm lind pyetja po KPR a bëri zgjedhje një antar nje votë dhe zgjodhi Sali Berishën.
Si ka mundësi që Gjykata e Apelit, rrëzon Gjykatën e Lartë, zinxhirin gjyqsor elektoral, KAS, Kolegj Zgjedhor, KQZ që kishin legjetimuar Alibeajn dhe këshilltarët e firmosur nga ai, shkurt rrëzon zgjedhjet e 14-të majit.
Me vendimin e pjesshëm shënoi një precedent të rrëzikshëm.
A ka paradoks më të madh se sa me vendim të Gjykatës së Apelit Berisha dhe Noka janë bashkëkryetar tek G29, njëkohësisht prezantohen publikisht ndonëse nuk janë ligjërisht si kryetar dhe sekretar i përgjithshëm.
Tek G29 e gjyqtareve të Apelit tre nuk janë pjesë, faktike, pasi i ndjeri ish Presidenti Nishani ka ndërruar jetë, znj Kokalari është larguar, dhe z Agron Shehaj ka formuar një parti tjetër dhe e ka regjistruar në gjykatë.
A kemi përvetësim të paligjshëm të titullit zyrtar?!!
A kemi ushtrim të paligjshëm të drejtimit të një force politike?!!!
Si e ushtron detyrën z Berisha!!?
Me prokurë përfaqësimi!!!
Po z Noka??!!
Ligjërisht duhen 28-të prokura, çka nuk i bëjnë dot sepse tre mungojnë dhe këto thjesht si përfaqësim jo ushtrim detyre.
Pra si konkluzion pranimi i rekursit nga Gjykata e Lartë dhe vendimi për gjykim të thelluar është zgjidhja që jo vetëm jep drejtësi por vulos me vulën e turpit këtë kastë të rrezikshme politike që po e çon vendin tonë drejt një katastrofe të
pa kthim.
