Eduard Kukan, eurodeputet i Partive Popullore Europiane dhe Kryetari i Grupit punues të Komitetit të Punëve të Jashtme të PE për Ballkanin Perëndimor, tha në një intervistë për A2 CNN në Bruksel se nuk duhet të ketë zgjedhje pa opozitën.
‘Sa i përket zgjedhjeve vendore, data duhet të ruhet sepse është caktuar sipas Kushtetutës.
Do të jenë një mundësinë e mirë për elitën tuaj politike që të bien dakord për një zgjidhje dhe zgjedhjet të jenë demokratike.
Nuk presim zgjedhje pa opozitën, kjo është tepër negative’, tha Kukan.
Eurodeputeti dhe raportuesi për Shqipërinë Eduard Kukan, gjatë fjalës së tij në Komisionin Europian, bëri një apel për politikën shqiptare.
“Në Shqipëri vlerësojmë një situatë të tensionuar politike. Zgjedhjet e 30 qershorit po afrohen. Është në dorë të elitës politike për tu ngritur mbi interesat e partive për të marrë një vendim në favor të popullit, sepse populli shqiptar e meriton”, tha ai.
“Ka shumë çështje që mund të përmenden për Ballkanin Përëndimor, ka pasur progres në rrugën e integrimit por mund të kemi më shumë rezultate dhe lëvizje intensive para. Mendoj se ata ende kanë nevojë për të materializuar bazat që kanë krijuar. Në Shqipëri vlerësojmë një situatë të tensionuar politike. Është në dorë të elitës për tu ngritur mbi interesat e partive për të marrë një vendim në favor të popullit, sepse populli shqiptar e meriton. Edhe ne duhet të bëjmë gjithëçka më dramatike. Duhet të bëjmë presion pozitiv mbi kolegët në Ballkanin Perëndimir. Duhet ta bëjmë se nëse se bëjmë, kredibiliteti ynë do të tkurret dhe autoriteti ynë do të largohet”, u shpreh Eduard Kukan.
Më herët, Johannes Hahn, komisioner për Zgjerimin në BE, paraqiti rekomandimin për hapjen e bisedimeve me Maqedoninë e Veriut dhe Shqipërinë.
