Ish-Kryeministrit Berisha ka publikuar një video ku shihet kreu i Bashkisë së Tiranës Erion Veliaj dhe banditët të tjerë të organizatës së tij, Mjaft dhe të PS duke sulmuar policinë dhe duke djegur makinat e policisë para Kryeministrisë më 21 janar 2011.
Veliaj reagoi sërish sot pas protestës së opozitës, duke i quajtur qytetarët që morën pjesë në të “vandalë”, ndërsa vetë protestën “ekskursion të dhunshëm”.
“Pamje mbresëlënëse nga Koordinatori i PD për Trashëgiminë Kulturore! Paradite shkatërron veprën e Florestano di Faustos, pasdite kinse mbron tallashin e Teatrit! Hipokritë e vandalë të pamëshirshëm! Lum Tirana, ju ka bërë dalje me vakt e refuzon çdo herë ekskursionin tuaj të dhunës!”, shkruante Veliaj në rrjetet sociale.
Por nuk ka munguar përgjigja e ish-Kryeministrit Sali Berisha, i cili duke publikuar videon e dhunës në protestën e 21 janarit 2011, i kujton kryebashkiakut se ishte ai një ndër dirigjuesit e asaj çka ndodhën.
