Qeveria shqiptare është detyruar të pranojë sot se kompania fituese e Unazës së Re është një falsifikatore, e konfirmuar kjo zyrtarisht nga Shtetet e Bashkuara të Amerikës.
Pas publikimit të këtij lajmi, dhe konfirmimit zyrtar të akuzave të bëra deri më sot nga opozita se në Unazën e Re po luhej një megaaferë vjedhjeje dhe korrupsioni prej 40 milionë eurosh, një nga drejtuesit e LSI, Petrit Vasili ka bërë thirrjen që prokuroria të fillojë arrestimet duke filluar nga Kryeministri.
Mesazhi i plotë i Vasilit
Tenderat me konkurentë me zero lekë, me kompani mashtruese dhe me rekorde të zeza dhe vjedhja kriminale është sheshit dhe e orkestruar nga Qeveria.
Asnjë justifikim, asnjë alibi, thjesht vjedhje kriminale.
30 milionë euro, mafiozët e Qeverisë i vjedhin dhe kanë bërë gati edhe ku do t’i çojnë deri në Amerikë.
Hetimi i Qeverisë fillon nga arrestimi i qeveritarëve dhe drejtorëve.
Çdo sekondë që këta rrinë nëpër zyra fshehin dhe bëjnë pis provat e korrupsionit.
Prokuroria të shpëtojë veten, të veprojë shpejt dhe të nisë arrestimet nga ministri, Kryeministri drejtorët. Kusarët e qeverisë në burg – kjo është më e pakta”.
