Pjesa dërrmuese e kandidatëve të PD kanë refuzuar në mënyrë kategorike marrjen e një mandati për të qenë siç thonë ata pjesë e një parlamenti ilegjitim, parlamentit të turpit.
I radhës që ka refuzra mandatin e deputetit është Afrim Pocesti, kandidat i listës së Dibrës. Pocesti ka refuzuar KQZ dhe lajmin e ka dhënë në statusin e tij në Facebook.
Postimi i Afrim Pocesit në Facebook
KANDIDOVA PËR NJË “REPUBLIKË TË RE” S’MUND TË BETOHEM PËR TË VJETRËN !!!
Të dashur miq Demokrat !
Shumë të dashur të rinjë Demokrat !
Dua të ndajë me ju refuzimin e mandatit për deputet si pjesë e listës shumemërore së Partisë Demokratike për Qarkun Dibër.
Kam qenë i bindur dhe kam mbështetur që ditën e parë vendimin e Partisë Demokratike për djegien e mandateve, akt ky i cili shënon fillimin e fundit të Tiranisë Rama.
Nuk mund të bëhem pjesë e ktij Kuvendi, produkt i deformimit të vullnetit të popullit, i dirigjuar nga Mafia që mban emrin “Qeveri”.
Nuk mund të bëhem pjesë e këtij Kuvendi dhe të ulem në një sallë me deputetë me rekorde kriminale.
Nuk mund të bëhem pjesë e këtij Kuvendi ku ngrihen kartonat teksa popullit të tyre u hidhen tymuese dhe lëndë kimik.
Kurësesi nuk mund të bëhem pjesë e këtij Kuvendi që punon ditë e natë për largimin e të rinjëve nga vendi.
Nuk mund të bëhem pjesë e këtij Kuvendi që erdhi në pushtet me formulën e blerjes së votave dhe ku po mundohet të qëndroj me të njëjtën formulë, me të ashtëquajturit “Deputet të OPOZITËS”
Ndaj meqënëse mandati vjen nga populli, atëherë unë ndjej se ju kam borxh atyre që më besuan, të bëj atë që besoj se është në përputhje me interesat e tyre.
Kjo qeveri krimi ka degjeruar dhe i vetmi rrëzues i saj do te jetë populli.
Të gjithë të bashkuar për një Shqipëri si gjithë Europa dhe një Shqipëri pa Edi D’Ramën
RAMA IK
