Paraqitjet e fundit të Gareth Bale i kanë zemëruar tifozët e Real Madridit ish-sulmuesi i klubit madrilen, Predrag Mijatovic, mendoj se ndeshja kundër Barcelonës, e cila do të zhvillohet sonte në kuadër të Kupës së Mbretit, është mundësia e tij e fundit për ta dëshmuar veten.
Uellsiani Bale i ka humbur tri javë në fillim të këtij viti për shkak të një lëndimi, mirëpo arriti ta shënojë një gol në ndeshjen kthyese të tij, më 27 janar, kundër Espanyolit, transmeton Gazeta Express.
Ai përsëri mbeti në stol për ndeshjen e javës së kaluar kundër Gironës, në Kupën e Mbretit, e ishte titullar për ndeshjen e së dielës kundër Alavesit, kur u zëvendësua në minutën e 63-të pasi nuk arriti të jetë mbresëlënës.
Pasi që anësori i talentuar, Vinicius Junior, është duke bërë paraqitja mjaft të mirë, përfshirë këtu edhe golin kundër Alavesit, Mijatovic mendon se Bale mund ta ketë humbur vendin në formacionin e Santiago Solarit, veçanërisht nëse nuk arrin të performojë më mirë kundër Barcelonës.
“Dikush duhet të mbrojë dhe Lucas Vazquez di si të kthehet në mbrojtje dhe ta ndihmojë skuadrën në këtë aspekt. Në krahun e majtë, Viniciusi është duke luajtur mirë dhe Bale është duke e pasur të vështirë ta dëshmojë veten”, ka thënë Mijatovic.
“Nëse ai [Solari] vendosë të luajë me Bale, ky duhet të jetë rasti i fundit për të. Jemi të gjithë të zemëruar me paraqitjet e tij. Viniciusi luajti më mirë në Santiago Bernabeu”.
