Aktori Laert Vasi u shpreh se,nuk mund të miratohet një ligj pa u konsultuar me aktorët dhe regjisorët. Përsa i përket kushteve të Teatrit Kombëtar, ai u shpreh se godina është jashtë parametrave. Gjithashtu ai shprehu dhe një mendim personal në lidhje me ndërtimin e një godinë të re të Teatrit tek Piramida.
“Godina ku punohet tani është jashtë parametrave. Është një i ftohtë i paparë, për 4 vjet nuk është vënë dorë. Për mendimin tim, një vend ideal për t’u ngritur. Teatri është ish maozelumi i diktatorit ose siç quhet ndryshe Piramida. Teatri duhet të jetë një gur i çmuar në qendër të qytetit, të shikohet nga të gjithë dhe të ndihesh krenar kur ta shikosh. Mund të shkoj përkohësisht te Turbina, nëse ekziston mundësia, duhet të ekzistojë, të ndërtohet teatri tek Piramida. Piramida për mua duhet të jetë Teatri Kombëtar. Artistët janë ambasadorët më të mirë të kulturës shqiptare. Nëpërmjet kulturës mund të arrijmë shumë më shpejt në BE”, u shpreh Vasili.
Për sa i përket diskutimeve mbi projektligjin Vasili u shpreh se, nuk mund të miratohet një ligj pa u konsultuar me grupet e interesit. “Ministrija e Kulturës na ka premtuar se të mërkurën do të ketë një takim. Persona të tjerë që nuk e dimë sesa adapt janë për punën e tyre, thonë se kemi dërguar 500 e-maile. As unë dhe shumë të tjerë nuk kanë marrë e-mail. Ditën e mërkurë, unë shpresoj që të gjejmë harmoninë, paqen dhe dashurinë dhe t’i ndajmë gjërat me dashuri. Nuk mund të miratohet një ligj pa u konsultuar me grupet e interesit që jemi ne aktorët dhe regjisorët”, tha ai.
Për sa i përket ndërtimit të një kulle tek Teatri Kombëtar, Vasili u shpreh se na është sqaruar gojarisht para një viti me prezencën dhe të kryetarit të Bashkisë, Erion Veliaj që kulla do të jetë aty ku është parkimi sot. “Na është përcjellë me fjalë se nuk do të ndërtohet një kullë tek Teatri”, tha ai.
