I pezulluar për 4 muaj nga FIFA, mesfushori Hakan Calhanoglu bëri të ditur se ka hequr dorë nga paga mujore me Bayer Leverkusen. 23-vjeçari u dënua nga institucioni më i lartë i futbollit botëror për shkak të shkeljes së kontratës me Trabzonspor në vitin 2011. Calhanoglu deklaroi se Bayer nuk ka asnjë lidhje me këtë çështje dhe për këtë arsye nuk ka përse të paguajë. Lojtari i Leverkusenit shtoi më tej se nuk mund të dëmtojë klubin për çështje që nuk i takojnë dhe për këtë nuk do të marrë pagën për 4 muaj.
