Sulmuesi kroat i AEK-ut të Athinës, Marko Livaja (ish-lojtar i Inter) ka folur për “Gazzetta dello Sport” në prag të ndeshjes kundër Milan në “San Siro”, e vlefshme për Europa League. “Jam tifoz dhe i dashuruar me Interin. Aty kam filluar karrierën dhe kam shënuar golat e parë në “San Siro”. Kam debutuar me Stramaccioni-n, me të cilin jam bashkuar përsëri në Greqi. Duhej të largohesha për të fituar eksperiencë. Por Inter mbetet në zemrën time dhe kam një arsye më shumë për të kërkuar një gol kundër Milan-it”, u shpreh ai.
Në vazhdim, Livaja ka zbuluar edhe një prapaskenë: “Në moshën 16 vjeç, kur nuk isha transferuar akoma tek Inter, më ka kërkuar Milan. Unë kisha qenë më parë në Milano për të folur me drejtorin sportiv Ausilio, por më pas u ktheva në Kroaci, sepse kontrata ime me Huajduk nuk kishte skaduar akoma dhe nuk mund të nënshkruaja me një klub të ri. Milani filloi të më telefononte dhe të më ofronte më shumë para. Por, kur unë jap fjalën time nuk kthehem më mbrapa. As për paratë”, ka thënë sulmuesi.
“Kalinic? Njihemi shumë mirë. Kemi luajtur të dy me ekipin e moshave të Hajduk Split, por nuk jemi takuar asnjëherë, sepse ai është më i madh. Është shumë i mirë, e ndjek me vëmendje si të gjithë futbollistët e tjerë kroatë që jetojnë këtu në Milano. E konsideroj akoma qytetin tim dhe jam shumë i lumtur që jam kthyer. Kam shëtitur shumë në karrierë, nga Italia në Rusi, nga Zvicra në Spanjë. Por në Athinë ndihem shumë mirë dhe e ndiej se mund të qëndroj për një kohë të gjatë. Po paraqitemi mirë në Europa League dhe Milan do ta kuptojë këtë. Ne jemi një ekip simpatik, që mund t’i imponohemi skuadrës së Montellës, në mënyrën tonë, ndaj kam besim se do të marrim diçka nga kjo transfertë”, ka përfunduar ish-sulmuesi zikaltër i AEK-ut.
Skuadër e re, jetë e re. Geoffrey Kondogbia, i cili është transferuar te Valencia verën e kaluar, pjesë e operacionit që ka dërguar Joao Cancelo tek Inter, duket se e ka harruar shumë shpejt aventurën zhgënjyese me zikaltrit dhe është kthyer të shkëlqejë në La Liga, aty ku ka bërë paraqitje shumë të mirë edhe me Sevilla para se të blihej nga Monaco. Në gjashtë ndeshje, në të cilat kanë ardhur edhe dy gola (1 në 56 sfida me Inter, 3 në 54 me Francën), francezi është kthyer në një idhull.
