Përplasje mes banorëve dhe ministrit të brendshëm, Sandër LleshAJ në Lezhë. Shkak për këtë është bërë një pallat 12-katësh në lagjen “Besëlidhja”.
Ministri u ka kërkuar banorëve të qëndrojnë në shtëpitë e tyre, por këta të fundit, të irrituar kërkojnë inspektim të hollësishëm pasi kanë frikë.
Vetë bashkia e Lezhës u ka kërkuar banorëve të dalin jashtë deri në një verifikim të objektit, por sipas ministrit Lleshi, 12-katëshi është i sigurtë.
Edhe vetë drejtori i urbanistikës në bashki, Nik Leka e ka kundërshtuar ministrin, ndërsa banorët e kanë braktisur pallatin.
Ndërkohë, ministri Lleshaj ka kërcënuar drejtorin e urbanistikës duke i thënë se do të pushohet nga puna dhe do të ndioqet penalisht se po përhap panic tek banorët.
Pavarësisht dëmeve të dukshme, Lleshaj ju tha qytetarëve se pallati është i banueshëm dhe se nuk ju cenohet siguria e jetës. Por këtë pretendim të ministrit e hodhi poshtë Drejtori i Ubranistikës në Lezhë, Nik Leka. Ky i fundit i tregoi Lleshajt sesi pas inspektimeve të kryera e kishin cilësuar pallatin të pabanueshëm sepse përbën rrezik për jetën e qytetarëve.
Në këtë moment ministri i Brendshëm “shpërtheu” ndaj Drejtorit të Urbanistikës. Sipas tij, ai po përhap panik kot tek banorët sepse pallati nuk përbën rrezik. Madje, Lleshaj e kërcënoi Lekën duke i kërkuar të ketë kujdes kur flet.
