Lokalit të cilit në sot (8 dhjetor) iu vendos eksploziv në Vlorë është në pronësi të familjes së Bledar Birçajt, i cili u ekzekutua me armë zjarri në maj të 2021.
Ngjarja e sotme u regjistrua në orët e para të mëngjesit, ku si pasojë e shpërthimit pati vetëm dëme materiale.
Mësohet se autori, i cili ka qenë i maskuar ka vendosur eksploziv me fitil dhe pasi e ka ndezur, ai është larguar mes pallateve në zonën e Ujit të Ftohtë.
Lokali ishte hapur vetëm pak ditë më parë pasi kishte qenë i mbyllur për një kohë të gjatë.
Informacion paraprak
Rreth orës 06:00, në lagjen “Uji i Ftohtë”, në një lokal, në pronësi të shtetases R. B., ka shpërthyer, dyshohet lënde plasëse, ku si pasojë janë shkaktuar vetëm dëme materiale.
Grupi hetimor vijon veprimet për sqarimin e rrethanave të ngjarjes, identifikimin dhe kapjen e autorit/ëve.
Ekzekutimi i Bledar Birçajt
Bledar Birçaj u qëllua me kallashnikov teksa po lëvizte me automjetin e tij “BMW” X5 në vendin e quajtur Bishti i Kalldrëmit, ngjarje e ndodhur në 10 maj 2021.
Birçaj ka qenë i shoqëruar edhe nga dy persona të tjerë, të cilët i shpëtuan mrekullisht plumbave.
Dy persona të pajisur me kallashnikov i zunë pritë dhe qëlluan drejt mjetit që drejtohej nga Birçaj.
Fatmirësisht personi tjetër, polici i anti-drogës Granit Deromemaj, që ishte edhe shok me viktimën ka shpëtuar mrekullisht.
