Nga Agim Baçi
Në filmin italian “Ora e Ligjit” (L’Ora Legale”), ka një dialog, që ndodh pikërisht në kishë, ku qytetarët, me në krye priftin, po debatojnë lidhur me problemet që u janë hapur nga një kryebashkiak i ndershëm në qytetin e vogël Pietramare, në Siçili, i cili mban fjalën për ato që ka premtuar dhe kërkon që qytetarët të zbatojnë ligjet e rregullat. Por, qytetarët, të mësuar prej vitesh me korrupsion apo gjetjen e miqsësive në kërkimin e gjithçkaje, të mësuar me shkelje apo anshakalim të ligjit, të mësuar me mosmbajtje përgjegjësie për punët, për ambientin e gjithçka që i rrethon, janë tashmë në dilemën e fortë- a janë ata gati që të bëhen qytetarë që do zbatojnë ligjin, rregullat dhe të drejtën, apo do vijojnë me gjendjen e mëparshme, që udhëhiqej nga mbyllja e syve përpara të korruptuarve, shkelësve të ligjit, duke qenë edhe ata vetë duartrokitësit e atyre që vjedhin apo shkelin ligjin.
Për ta mbyllur këtë panoramë që e gjejmë kudo, e sidomos në Shqipërinë tonë, vjen edhe cinizmi mbi atë që ka ndodhur në një qytet që tronditet nga njeriu i ndershëm, nga njeriu që do të kthejë zbatimin e ligjit si një gjë normale – prifti thërret në podium një të dërguar nga qarqet e larta politike në Romë, i cili u drejtohet të pranishmëve:
– Ju ju jugorët keni qenë gjithnjë intiligjentë, dhe keni zgjedhur më të korruptuarit mes jush. Ç’patët këtë herë që ju tek të zgjidhni një njeri të ndershëm. Po sikur kjo zgjidhje e juaja të përhapet në të gjithë Italinë? A e kemi ne luksin sot të kemi njerëz të ndershëm në të gjithë vendin?….
……
Filmi mbyllet po aq ironikisht, duke e hequr kryebashkiakun e ndershëm dhe duke rikthyer të korruptuarin e mëparshëm…
