Dueli më i bukur që është parë në Itali në vitet e fundit vazhdon përpara në shenjën e rekordeve. Vetëm Inter, më parë, ka arritur të grumbullojë më shumë se 66 pikët e Napoli-t pas 25 javësh kampionat dhe askush nuk ka qenë në gjendje, si vendi i dytë në renditje, të grumbullojë 65. Domethënë, jemi dëshmitarë të një lufte të paprecedent mes dy skuadrash që, mes shumë diferencash, gjejnë një mënyrë të ngjasojnë. Kjo garë paralele duket se do të vazhdojë deri në fund dhe ndjesia e përgjithshme, duke lënë mënjanë ndeshjet europiane, është se titulli do të fitohet një të mërkurë. Po, sepse duhet shikuar dhe studiuar me kujdes kalendari për të parashikuar se kur mund të vendoset kjo sfidë. Të gjithë javët janë të rëndësishme, si ajo e 3 marsit, me Napoli-n që do të presë Romën dhe Juventus që do të luajë në fushën e Lazio-s, por java më e rëndësishme mund të jetë ajo e përballjes së drejtpërdrejtë e 22 prillit. E vetmja javë me tri ndeshjeve të kampionatit që do të luhen në tetë ditë. Në fillim do të luhen sfidat Milan-Napoli dhe Juventus-Sampdoria, më pas do të vijë e mërkura e fundit e Serisë A për këtë sezon, me Udinese dhe Crotone, për të arritur tek super sfida që do të luhet në “Allianz Stadium”. Ka shumë mundësi që kampionati të mos vendoset në përballjen direkte, por mund të jenë zgjedhjet që do të bëhen në ndeshjet e mesjavës ato që mund të rezultojnë përcaktuese.
Juventus fitoi derbin kundër Torinos 1-0, duke mbetur në ndjekje të Napolit falë një goli të shënuar në pjesën e parë nga Alex Sandro, por shqetësuan shumë lëndimet e Gonzalo Higuain dhe Federico Bernardeschi. “Pipita” u detyrua të largohet nga fusha pas vetëm 15 minutash, për shkak të përplasjes me Sirigu, gjë që i shkaktoi atij një dëmtim në kyçin e këmbës. Testet e para treguan një traumë kontuzive (shtrembëruese), duke përjashtuar përfshirjen e ligamenteve. Asgjë serioze, veçanërisht për Higuain, i cili duhet të pushojë vetëm ndeshjen e ardhshme të Seria A ndaj Atalantës. Në profilin e tij në Instagram, megjithatë, ky lojtar ka shkruar një mesazh të mirë: “Mirëmëngjes, unë dua t’ju falënderoj të gjithëve: miqtë, shokët, tifozët, njerëzit që nuk e dinë, por dëshirojnë atë që është e mirë për ju. Ju faleminderit shumë të gjithëve. Unë do të kthehem së shpejti për të gëzuar me ekipin dhe me të gjithë ju”. Sa i përket Bernardeschi, ai filtron vendosmërisht më pak optimizëm te Juventusi. Raporti i parë mjekësor flet për “trauma shtrembëruese, përfshirje ligamentare në gjurin e majtë”. Sipas “La Gazzetta dello Sport”, ish-lojtari i Fiorentinës rrezikon të qëndrojë jashtë për rreth një muaj. Në këtë rast, përtej sfidës së dyfishtë me Atalantën, Bernardeschi do të humbasë edhe rikthimin e Ligës së Kampionëve kundër Tottenhamit. Priten teste të mëtejshme për të sqaruar shkallën reale të dëmtimit, por përshtypjet e para nuk janë pozitive. Lajmi i keq për Allegri, i cili sapo kishte gjetur Dybala, pas një ndalimi 40-ditor.
