“Nike” është çelësi, që Neymar të nënshkruajë për Real Madridin. Marka e njohur sportive është e gatshme të financojë një pjesë të transferimit, në shkëmbim për të qenë firma, që e sheh brazilianin me “Los Blancos”. “Adidas” e paguan Real Madridin vetëm 40 milionë euro dhe i përfundon kontrata në vitin 2020. Një luftë e re po afrohet mes dy markave sportive, që veshin lojtarët më të mirë në botë. Më poshtë iu ofrojmë listën e 25 lojtarëve të parë në garë për “Topin e Artë”, viti 2017 dhe cila është kompania sportive që i vesh ata.
1. Cristiano Ronaldo: Pasuria kryesore e “Nike”, pavarësisht faktit se Real Madridi vishet me “Adidas”. Ajo ka linjën e saj të veshjeve CR7. Siç është raportuar tashmë, portugezi përfiton miliona në sezon prej firmës së njohur amerikane.
2. Leo Messi: Vishet nga “Adidas”, edhe pse Barcelona është territor i “Nike”. Argjentinasi ka qenë me firmën gjermane prej 12 vitesh dhe rinovoi me të në shkurt 2017.
3. Neymar: Si Ronaldo, edhe ai ka linjën e vet brenda “Nike”: Neymar Jr., është i lidhur me këtë firmë deri në vitin 2022, edhe pse “Nike” mund ta zgjasë kontratën deri më 2024. Ekipi i tij, PSG, gjithashtu, vishet nga “Nike”.
4. Buffon: Veshja e tij ka qenë besnikëri absolute ndaj “Puma”, që kur nënshkroi marrëveshjen e tij të parë, në moshën 22-vjeçare, ende te Parma.
5. Modriç: Vishet me logon “Nike” që te Dinamo Zagreb.
6. Sergio Ramos: Kontrata e tij me “Nike” përfundoi vitin e kaluar dhe ai duhej të luante me “këpucë të zeza”. Në fund, ai ripërtëriu me “Nike” (2 milionë € për sezon).
7. Mbappé: Në mes të interesit të Real Madridit, “Nike” dhe “Adidas” luftuan për sulmuesin.
8. Kanté: Ish-mesfushori i Leicester dhe Chelsea aktualisht vishet nga “Adidas”.
9. Lewandowski: “Adidas” ka një përqindje të aksioneve të Bayern Munich, por “9” i bavarezëve promovon “Nike”.
10. Harry Kane: Vishet me “Nike”, ashtu si Tottenham (“spurs” marrin 35 milionë euro në vit).
11. Cavani: Një nga ikonat në fushatën e fuqishme të “Nike” me PSG, këtë sezon vesh këpucë me efekt reklamash të dyfishtë.
12. Isco: Muajin e ardhshëm do të jetë 26 vjeç dhe që kur ishte në Málaga, është sponsorizuar nga “Nike”.
13. Luis Suárez: Anëtar i “Adidas”, pavarësisht faktit se Barça vishet nga “Nike.
14. De Bruyne: Belgu ka një sponsor (Nike) me klubin e tij, Manchester City.
15. Dybala: Pasi kaloi 11 muaj me këpucë të zeza të markave të ndryshme, argjentinasi sapo ka nënshkruar një marrëveshje fitimprurëse me “Adidas”, e cila vesh edhe Juventusin (klubi bardhezi do të marrë 139.5 milionë euro për gjashtë vite).
16. Marcelo: Braziliani e filloi karrierën e tij me “Nike”, por në vitin 2013 kaloi në anën tjetër, në përputhje me “Adidas”, si Real Madridi.
17. Kroos: Është logjike që gjermani vishet nga “Adidas” që shumë i ri, e njëjta markë e Real Madridit. Mesfushori vesh të njëjtat këpucë që nga viti 2014: “AdiPure11Pro 2”, në të bardhë, të zezë dhe blu.
18. Griezmann: Francezi është, së bashku me Buffonin, një nga shtyllat e “Puma”, edhe pse “Nike” është markë që vesh Atletico Madrid.
20. De Gea: Që nga viti 2015, kur u largua nga “Puma”, ai është një nga atraksionet e “Adidas” në “La Roja” dhe Manchester United (do të veshë “djajtë e kuq” deri në vitin 2024).
21. Aubameyang: Gabonezi është pjesë e “Nike” dhe do të përfitojë dy milionë euro në vit deri në fund të karrierës së tij.
22. Bonucci: Mbrojtësi i Milanit vesh rroba dhe këpucë sporti të “Nike”.
23. Mané: Senegalezi mban këpucë “Nike”, edhe pse është parë në stërvitje me këpucë “New Balance”.
24. Falcao: Kolumbiani “kërceu” te “Nike” (kjo firmë, gjithashtu, vesh Monacon) në prill të vitit të kaluar.
25. Benzema: I lidhur me “Adidas” që nga fillimi i tij në Lyon.
