Nga Alban Daci
Basha, surpriza e kësaj fushatë! Padyshim që surpriza e këtyre zgjedhjeve është Lulzim Basha! Po vëzhgoja videot e postuara nga Basha në profilin e tij të facebook dhe vetëm në javën e fundit ka më shumë se një milion e dyqind mijë shikime. Këtu nuk duhet të llogarisim logaritmet e shpërndarjeve të këtyre videove në profilet e tjera në të njëjtën platformë, apo në format e tjera online. Pra, padyshim surpriza e këtyre zgjedhjeve është Basha! Ndoshta askush nuk e kishte menduar këtë surprizë e ndoshta as bashkëpunëtorët e ngushtë nuk e kishin besuar. Ndërsa kundërshtarët e tij me siguri kanë filluar të mos flenë gjumë, disa po përpiqet ta imitojnë e disa të tjerë po përpiqet që të gjejnë ndonjë formulë për ta rivalizuar.
Madje, edhe Rama i cili ka një staf të terë rreth vetës nuk po ju afrohet shifrave të Bashës. Sigurisht, nuk ka nevojë të na e thonë sondazhet, por tashmë kushdo mund ta kuptojë se lideri i këtyre zgjedhjeve është padyshim Basha. Pse e them këtë? Po, sepse starti i Bashës shihej me skepticizëm edhe nga ata që besojnë tek ai e deri diku kishin të drejtë, sepse ai po hynte në zgjedhje nga beteja të lodhshme dhe të padrejta të brendshme për legjitimitetin e Partisë Demokratike, nga sulmet e vazhdueshme e deri thuajse denigruese e të padrejta që kishin qëllimin e vetëm eliminimin e tij politik në skakierën e sistemit politik.
Gjithashtu, Basha po hynte në zgjedhje nga tradhti, largime me qëllimin e vetëm për të krijuar idenë se Basha është i vetëm dhe mbrapa nuk ka askënd. Shumica e kundërshtarëve ishin pothuajse të bindur se ia kishin dalë në misionin e tyre për ta eliminuar politikisht. Teksa shoh performancën e Bashës në këtë fushatë po kuptoj gjithnjë e më shumë se edhe në zgjedhjet e 2021 ai paska qenë i vetëm dhe të gjitha i paska bërë vetëm. Ndryshimi i 2021 me sot është shumë i madh. Atëherë Basha duhet të mbulonte me imazhin e risinë e tij edhe ata që ai vetë sot i quan “rrangallë të politikës”. Megjithatë në zgjedhjet e 2021 ai arriti një rezultat historik që është thuajse e pamundur që të përsëritet më. Sigurisht Basha duhet të çlirohej nga kafazi që e mbante të lidhur për të modernizuar stilin e të bërit politik dhe kishte nevojë të ri gjente vetën si një lider tipik modern europian e ndoshta sot është përpara edhe shumë liderëve të tjerë edhe të vendeve më të zhvilluara europiane.
Basha është sot vetvetja, për ata që e njohin nga afër është vetvetja edhe në diset që i bën Ramës. Ndoshta pak persona e njohin Bashën, por ata që e njohin e din se ai është edhe në jetën e përditshme i qeshur, person i pasionuar pas muzikës dhe po ashtu ka një stil të veçantë rrëfyes. Jashtë politikës dhe ekraneve Basha është person fantastik, komod në biseda dhe po ashtu me një bagazh për tu admiruar dhe çdo lloj argumenti mund ta shtrosh me të pa asnjë lloj pengese. Kundërshtarët e tij po duan përsëri ta sulmojnë duke tentuar ta minimizojnë se këto shikueshmëri nuk përkthehen edhe në vota. Sigurisht edhe ata që e shtrojnë këtë ide në mënyrë dëshpërueshme e besojnë se nuk është kështu. Shikueshmëritë që nënvizova në një javë vetëm nga profili i tij janë pikërisht video të takimeve elektorale dhe politike. Pra, qytetarët e ndjekin e shfaqin interes për Bashën duke e ditur se ky i fundit. Pra, Basha ndiqet për profilin e tij si lider, për stilin e tij të bërit politik e sigurisht për atë çfarë thotë e bën në takime ose më saktë për diskursin e tij politik. Prandaj, qytetarët e dinë se Basha nuk është aktor apo profil tjetër, por e ndjekin për profilin e tij politik.
Kjo është analizë e thjeshtë për tu kuptuar nga çdo qytetarë që Bashën nuk e konsideron kundërshtar politik dhe nuk e trajtojnë të tillë. Nëse Basha nuk do të ishte padrejtësisht në këtë situatë politike që ndodhet tashmë i dalë pas betejave të lodhshme dhe luftës të bërë padrejtësisht ndaj tij, ai më 11 maj do të kishte siguruar fitore plebishitare ndaj Ramës. Përtej kësaj, për vetëm kaq pak sa analizuam e përtej sondazheve, Basha është surpriza e këtyre zgjedhjeve qoftë në stilin e të bërit fushatë, por edhe në rezultatin që ai do të ketë më 11 maj. Aq trendi është Basha sa krijohet përshtypja se vetëm ai është në fushatë dhe po bën fushatë. Të gjitha do të harrohen, por: 7X7=313 dhe “Ku i ke shokët?” do të bahen mend për shumë kohë edhe pas këtyre zgjedhjeve.
