Lidhur me dekretimin nga ana e Presidentit të Republikës së ligjit për Komisionet Hetimore, ka reaguar në një postim kreu i PD-së, Lulzim Basha.
Basha shkruan se makinacionet e Edi Ramës për t’i pamundësuar opozitës transparencën e aferave korruptive përmes komisioneve hetimore, tregojnë frikën e tij nga e vërteta.
“Transparenca për aferat korruptive ku është zhytur sot qeveria, që po varfëron dhe detyron shqiptarët të largohen do të bëhet me patjetër.” – shkruan Basha.
“Sot gjysma e qeverisë është në dyert e drejtësisë e prapa hekurave, – vijon më tej kreu i PD-së, – dhe të gjithë ata që kanë abuzuar, së shpejti do të japin llogari për aferat e tyre korruptive.”
Më poshtë postimi i plotë i Lulzim Bashës:
Ai që nuk ka asgjë për të fshehur nuk i trembet transparencës.
Makinacionet e Edi Ramës për ti pamundësuar opozitës transparencën e aferave korruptive përmes komisioneve hetimore tregojnë frikën e tij nga e vërteta. Por transparenca për aferat korruptive ku është zhytur sot qeveria, që po varfëron dhe detyron shqiptarët të largohen do të bëhet me patjetër.
Sot gjysma e qeverisë është në dyert e drejtësisë e prapa hekurave, dhe të gjithë ata që kanë abuzuar, së shpejti do të japin llogari për aferat e tyre korruptive.
Kohës së pandëshkueshmërisë po i vjen fundi, kartonat e Edi Ramës nuk e ndalin dot.
