Ish-ministri i Drejtësisë, Ylli Manjani duke reaguar mbi protestën e opozitës, shkruan se nuk ka rëndësi numri i pjesëmarrësve, por mesazhi që jep ajo. Sipas tij, ishin mjaftueshëm njerëz sa për të dhënë mesazhin se nuk ka zgjedhje pa opozitën. “Debati i përhershëm mbi numrin e protestuesve është kot. Ishin mjaftueshëm për të dhënë mesazhin serioz: nuk ka zgjedhje pa opozitë”. Protesta e opozitës të shtunën i kaloi e kapërceu pritshmëritë përsa i përket pjesëmarrjes masive të qytetarëve, ndërsa dëshmoi edhe një herë qëndresën e fortë të shqiptarëve për zgjedhje të lira dhe të ndershme.
