Kandidatja për deputete e Koalicionit Euroatlantik në qarkun e Korçës, Marinela Ziu, ka ndarë një urim të përzemërt me rastin e festës së Pashkës përmes një postimi në rrjetin social Facebook.
Ziu shpreh mirënjohjen dhe respektin e saj të veçantë për Kryepeshkopin e Tiranës, Durrësit dhe gjithë Shqipërisë, Fortlumturinë e Tij Joan Pelushi, të cilin e cilëson si një figurë që ka ndikuar thellësisht në jetën e saj që në fëmijëri.
Në mesazhin e saj, ajo thekson rolin shpirtëror dhe udhëheqës të Kryepeshkopit në jetën e shumë qytetarëve dhe shpreh urimet më të mira për shëndetin dhe misionin e tij.
Postimi i plotë i Marinela Ziu:
Krishti u ngjall! Vërtet u ngjall!
Në këtë ditë të bekuar, me shumë respekt dhe mirënjohje, i urova Kryepeshkopit të Tiranës, Durrësit dhe të gjithë Shqipërisë, Fortlumturisë së Tij, Joan Pelushi, shëndet të plotë dhe mbarësi, sepse Fortlumturia e Tij ka qenë gjithmonë një burim frymëzimi për mua, që nga fëmijëria ime.
Me udhëzimet dhe fjalët e Tij, ka formuar dhe shtuar dritën në shpirtin tim, dhe shpresoj që Zoti t’i japë forcën për të vazhduar këtë udhëtim të shenjtë, për të ndriçuar rrugën e të gjithëve ne si Kryebariu Jonë.
Gëzuar Pashkën!