Presidenti i Interit, Xhuzepe Marota, ka folur në mikrofonat e “Mediaset”, në kuadër të finales së Superkupës së Italisë kundër Milanit, ndeshje e humbur nga kampionët në fuqi. Sidoqoftë, kreu zikaltër nuk dëshpërohet, edhe pse për të mund të kishte qenë trofeu i parë në rolin e ri.
Cilat janë ndjesitë?
Këtë ndeshje e përballuam duke e ditur se është derbi, pavarësisht se jemi mijëra kilometra larg Milanos. Ishte trofeu i parë i sezonit dhe synimi ynë është të fitonim. Për fat të keq nuk ia dolëm.
Sa peshoi mungesa e Turamit?
Jemi Interi dhe kemi një skuadër prej 24 lojtarësh, të cilët na pëlqen t’i përcaktojmë si titullarë dhe bashkëtitullarë. Vlera e Turamit është e lartë, por kushdo që e zëvendëson jep gjithçka. Për më tepër, një skuadër si Interit duhet të varet nga kolektivi dhe jo nga një individ.
Sa ndikon në një finale një trajner i ardhur së fundmi?
Nga pikëpamja motivuese, fitorja ndaj Juventusit u dha shumë motivim. Ky ishte një element i rëndësishëm, por ne menduam për ndeshjen dhe mënyrën për ta përballuar sa më mirë. Fitorja në një finale është gjithmonë në gjysmë të rrugës mes nesh dhe rivalit.
Mund të kishte qenë trofeu i parë si president për ju…
Kjo më emocionoi dhe do të kishte qenë bukur. Të fitoi nuk është e lehtë asnjëherë, por ta bënim këtë do të kishte qenë e këndshme. Përballë kishim një rival dhe nuk arritëm ta kapërcenim.
