Me mbylljen e Bundesligës, lojtarët kanë filluar të mendojnë për kampionatin Europian. Kur duhen edhe 26 ditë nga fillimi i kompeticionit “ethet” sa vijnë e shtohen. Këtë gjë e shfaq më së miri edhe mbrojtësi i Kombëtares Shqiptare, Mërgim Mavraj, që përmes një postimi në rrjetin social “Facebook” kërkon të ndajë ndjesitë e tij.
“Edhe një javë dhe fillojnë përgatitjet. Po i pres me padurim”, ka shkruar 29-vjeçari në profilin e tij. Mavraj konsiderohet një lojtar i rëndësishëm si në Kombëtaren Kuqezi ashtu edhe te klubi i tij, Koln edhe pse ka qëndruar për disa muaj jashtë fushave të lojës për shkak të një dëmtimi.
