Në vitin 2023, sipas INSTAT, familjet shqiptare harxhuan për shëndetin mbi 840 milionë euro, shifër kjo 8% më e lartë se në vitin 2022 dhe 41% më e lartë se në vitin 2019 para pandemisë Covid- 19.
Barra e sëmundjeve kronike është rritur rreth 6% çdo vit pas pandemisë sipas të dhënave zyrtare, duke rritur nevojën për ekzaminime dhe trajnime të përhershme, ndërsa të dhënat tregojnë se pjesa më e madhe e shpenzimeve shkojnë për blerjen e medikamenteve.
Sipas të dhënave zyrtare, në vitin 2024 u importuan mbi 280 milionë euro produkte farmaceutike. Shteti shqiptar ka kompensuar 120 milionë euro nga 281 milionë euro që kanë harxhuar qytetarët shqiptarë për mjekime. Rreth 160 milionë euro për produkte farmaceutike janë paguar nga të ardhurat vetjake të familjeve, kryesisht të pensionistëve të cilët shumica i marrin ilaçet pa ndërprerje.
Institucionet ndërkombëtar vlerësojnë se përveç problematikave të tjera, ku më shqetësues mbetet korrupsioni, ekzistojnë hapësirat fiskalë që Shqipërisë të rrisë shpenzimet në sektorin shëndetësor dhe të jetë më
Statistikat mbi shpenzimet dhe financimin e kujdesit shëndetësor mund të përdoren për të vlerësuar sesi një sistem i kujdesit shëndetësor i përgjigjet sfidës së aksesit universal në kujdesin shëndetësor cilësor, nëpërmjet matjes së burimeve financiare të disponueshme për sektorin e kujdesit shëndetësor dhe shpërndarjes së këtyre burimeve midis aktiviteteve të kujdesit shëndetësor (për shembull, kujdesi parandalues dhe kurativ) ose grupeve të ofruesve të kujdesit shëndetësor (për shembull, spitalet dhe qendrat ambulatore).
Mbi Shëndetin në Bashkimin Evropian të dhënat e fundit janë paraqitur për vitin 2022, të cilat tregojnë situatën pas ndikimit fillestar të pandemisë COVID-19.
Gjermania kishte nivelin më të lartë të shpenzimeve të kujdesit shëndetësor midis vendeve të BE-së, me vlerë 489 miliardë euro në vitin 2022. Franca regjistroi nivelin e dytë më të lartë të shpenzimeve aktuale të kujdesit shëndetësor (314 miliardë euro), e ndjekur nga Italia (176 miliardë euro) dhe Spanja (131 miliardë euro).
Shpenzimet aktuale të kujdesit shëndetësor në Gjermani, Francë dhe Austri ishin ekuivalente me 12.6%, 11.9% dhe 11.2%, respektivisht, të produktit të brendshëm bruto (PBB). Raportet më të larta ishin në Belgjikë (10.8%), Suedi (10.7%) dhe Portugali (10.5%). Shpenzimet aktuale të kujdesit shëndetësor përbënin më pak se 7.0% të PBB-së në 5 vende të BE-së, me Luksemburgun që regjistroi raportin më të ulët (5.6%).
Në krahasim me madhësinë e popullsisë dhe në terma euro, shpenzimet e kujdesit shëndetësor në vitin 2022 ishin më të lartat midis vendeve të BE-së në Luksemburg (6 590 € për banor). Është interesante të theksohet se Luksemburgu kishte raportin më të lartë për banor pavarësisht se kishte raportin më të ulët të shpenzimeve për kujdesin shëndetësor ndaj PBB-së, duke reflektuar nivelin e lartë të PBB-së në Luksemburg. Një pjesë e konsiderueshme e punëtorëve në Luksemburg janë punëtorë ndërkufitarë dhe jetojnë jashtë vendit dhe, si jo-rezidentë, prandaj edhe shpenzimet për kujdesin e tyre shëndetësor nuk përfshihen në llogaritë shëndetësore të Luksemburgut, ndërsa aktiviteti i tyre ekonomik kontribuon në PBB-në e Luksemburgut.
Pas Luksemburgut, raporte mbi 5,000 euro për banor u vunë re edhe në Danimarkë, Irlandë, Gjermani, Suedi, Austri, Holandë dhe Belgjikë. Në BE kishte një hendek relativisht të madh me Maltën, Italinë, Spanjën, Qipron, Slloveninë, Portugalinë dhe Çekinë me raporte mbi 2 200 €, por nën 3 200 € për banor. 10 vendet e mbetura të BE-së regjistruan shpenzime mesatare nën 1,900 euro për banor në vitin 2022, 2 prej tyre regjistruan një shpenzim mesatar për kujdesin shëndetësor nën 1,000 euro për banor: Bullgaria (990 euro) dhe Rumania (858 euro). Raporti midis niveleve më të larta (Luksemburg) dhe më të ulëta (Rumani) të shpenzimeve për banor ishte 7.7:1.
Pabarazitë në shpenzimet e kujdesit shëndetësor për banor janë më pak të dukshme kur ato shprehen në standardet e fuqisë blerëse (PPS). Kjo masë rregullon ndryshimet në nivelet e çmimeve midis vendeve të BE-së. Gjermania (5.317 PPS për banor), Austria (4.751 PPS për banor) dhe Holanda (4.531 PPS për banor) shënuan raportet më të larta të shpenzimeve të kujdesit shëndetësor për banor në terma PPS. Rumania (1.627 PPS për banor) kishte raportin më të ulët. Si i tillë, duke marrë parasysh diferencat e nivelit të çmimeve, raporti ndërmjet niveleve më të larta (Gjermani) dhe më të ulëta (Rumani) të shpenzimeve të kujdesit shëndetësor për banor ishte 3.3: 1, dukshëm më i vogël se raporti ekuivalent në euro i përmendur më sipër.
