Një informacion i ri i zbuluar nga studiuesit e Universitetit të Kembrixhit mund të shënojë një hap jetik në të kuptuarit e sëmundjes së Parkinsonit, një çrregullim neurologjik dobësues, sipas hulumtimit të ri.
Një letër e botuar sot në revistën “Nature Communications” përshkron atë që universiteti thotë se është “prova bindëse e re” në lidhje me një “proteinë kryesore” që prek neuronet në trurin e njeriut.
“Nëse dëshirojmë të shërojmë Parkinsonin, së pari duhet të kuptojmë funksionin e alfa-sinukleinës, një proteinë e pranishme në trurin e të gjithëve”, tha Giuliana Fusco, autorja kryesore e hulumtimit.
“Ky hulumtim është një hap jetik drejt këtij qëllimi”, shtoi ajo.
“Derisa funksioni i kësaj proteine misterioze të konfirmohet me më shumë hulumtime, terapitë e ilaçeve nuk mund të fillojnë të zhvillohen për të trajtuar origjinën e sëmundjes së Parkinsonit”, theksoi bashkautori i studimit, Alfonso de Simone.
Sëmundja mendohet se rrjedh nga një përzierje faktorësh gjenetikë dhe mjedisorë, që çojnë në vdekjen e qelizave nervore që prodhojnë dopaminë, e cila luan një rol në lëvizjen trupore.
Deri më tani, nuk ka një kurë për Parkinsonin, që prek më shumë se 10 milionë persona
