Pronarët e disa bizneseve në zonën e 21 Dhjetorit, pranë fakultetit të “Inxhinierisë së Ndërtimit”, kanë ngritur mëngjesin e sotëm shqetësimin e tyre se policia bashkiake po i nxjerr në mënyrë të kundráligjshme nga ambientet e aktivitetit të tyre ekonomik.
Në deklaratat e bëra në media ata kërkojnë më shumë kohë nga organet ligjzbatuese, kohë kjo gjatë të cilës mund të bëjnë zhvendosjen e pajisjeve të biznesit pa u démtuar në një ambient tjetër.
Efektivët e Policisë Bashkiake të mbështetur dhe nga Policia e Shtetit kanë shoqëruar në Komisariat disa nga protestuesit të cilët kërkonin më shumë kohë për të bërë të mundur lirimin e ambienteve të marra me qira.
Ish-deputetja e PD, Albana Vokshi, e cila ndoqi nga afër ngjarjen shprehet se, bizneset po trajtohen si kriminelë, ndërsa kriminelët bëjnë ligjin në rrugë e qeveri.
Vokshi shkruan në reagimin e saj se, me urdhër të Ramës dhe Veliajt, qindra policë po dhunojnë 7 biznese të ndershme që punësojnë 120 kryefamiljarë.
Reagimi i plotë i ish-deputetes Vokshi
KUR QYTETARI TRAJTOHET SI #KRIMINEL NGA SHTETI, DHE #KRIMINELI BËN LIGJIN NË RRUGË E QEVERI
Me urdhër të Ramës dhe Veliajt, qindra policë po dhunojnë 7 biznese të ndershme që punësojnë 120 kryefamiljarë.
Biznesi e ndershëm, që paguan taksat rregullisht trajtohet si kriminel nga policia, ndërkohë që kriminelët bëjnë ligjin në rrugë e qeveri.
Ajo çka bizneset kërkojnë është vetëm pak ditë kohë për transferimin e investimit të bërë pa dhimbje e pa dëmtime.
Pas #25prillit çdo dhunues dhe shkelës i të drejtave të qytetarëve shqiptarë do shkojë para drejtësisë.
