Protesta madhështore e studentëve shqiptarë ka tërhequr vëmendjen e mediave më të mëdha botërore.
Përveç shkrimeve të botuara në to, mediat kanë vendosur të sjellin ekipet e tyre në Tiranë për të ndjekur protestës. Kështu agjencia Reuters, Associated Press dhe mediat e tjera kanë sjellë gazetarët e tyre në kryeqytetin shqiptar.
Mijëra e mijëra studentë, gjimnazistë por dhe qytetarë ndodhen para ministrise se Arsimit dhe therrasin: E duam Arsimin si gjithe Europa.
Studentët kanë qenë të qartë se ata nuk kërkojnë që protesta e tyre të politizohet dhe ata do të tërhiqen vetëm kur kreu i qeverisë të plotësojë listën e kërkesave të tyre.
Afati i fundit përpara se protesta të përshkallëzohet është ora 16:00 e padites së sotme. Ndërkohë që kreu i qeverisë Edi Rama i ka ftuar sërish para pak minutash studentët në dialog, duke thënë se kjo është e vetmja rrugë që çështja të zgjidhet.
Kjo është dita e 8 e rezistencës studentore.
Protestuesit kanë dhënë afat orën 16:00 për plotësimin e kërkesave.
