Analisti Ergys Mërtiri ka deklaruar në studion e emisionit “3D” se Gazment Bardhi ka fituar tiparet politike të ish-kryeministrit Sali Berisha, duke u shndërruar në berishist.
Në debatin e tij me Arjan Currin, Mërtiri theksoi se Bardhi ishte një nga eksponentët kryesorë që “shpëtoi” Berishën politikisht dhe tashmë është më radikal në Kuvend.
Debati në studion e “3D”:
Ergys Mërtiri: Bardhi jo vetëm ka shkuar te Berisha, po ka shkuar kokë e këmbë te Berisha. Ai filloi të flasë si berishist më i thekur se Mul Noka.
Arjan Curri: Berisha nuk ia fal atë gjë! Po i the “babai i Zenit”, ike more fund. Te Berisha është Argita dhe Flamur Noka. Ata do të jenë kupola e Berishës.
Ergys Mërtiri: Berisha e priti krahëhapur sepse ai e shpëtoi Berishën. Bardhi filloi të bëjë mosbindje në Parlament më të ashpër se Flamur Noka.
Arjan Curri: E vetmja gjë që i ka ngelur është që të bëjë një forcë politike të re. Bardhi si çdo qenie politike ka nuhatje politike, e kuptoi që s’do ta mbante Basha dhe u detyrua të bënte ato lëvizje që bëri.
Ergys Mërtiri: Në momentin që dha dorëheqjen, ai kërkoi vendin e Bashës. Në momentin që nuk e mori, ai u largua drejt Berishës.
